E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

Rama i kërkon SPAK-ut hetim për Metën dhe Berishën/ Kim: Qëllimi ynë nuk janë emrat specifikë, por...

12 Maj 2022, 19:31, Aktualitet CNA

Për ambasadoren amerikane Yuri Kim, reforma në drejtësi nuk është e përsosur, por sipas saj po bën përparim.

Në një intervistë për “Open”, Kim tha se rruga e reformës në drejtësi është shumë e vështirë, ndaj jo çdo gjë është e përsosur.

?Kjo është një rrugë shumë e vështirë, por ne besojmë se jeni në rrugën e duhur dhe e shihni këtë të reflektuar në raportimet tona, e shihni të reflektuar në progres-raportet e BE-së. Sigurisht, edhe një herë, nuk do të thotë se çdo gjë është 100% dhe çdo gjë shkon sahat. Është e qartë që ka fusha ku duhet përparim dhe prandaj themi se, për shembull për reformën në drejtësi, nuk është e lehtë, e shpejtë apo e përsosur, por patjetër po bën përparim”, tha Kim.

Ambasadorja u ndal edhe te thirrjet e Ramës, i cili kërkon nga SPAK-u hetime për Berishën dhe Metën.

Lidhur me këtë, Kim tha se synimi i SHBA-së nuk është hetimi i emrave specifikë, por zbatimi i ligjit në mënyrë të barabartë për këdo, në mënyrë që sipas saj askush të mos jetë mbi ligjin.

?Fola për këtë pak ditë më parë, kur Ministri i Drejtësisë përsëriti atë që kishte thënë Kryeministri. Pikëpamja e Shteteve të Bashkuara është se kur shohim reformën në drejtësi, do ta dimë se vërtet ka pasur sukses kur të mos quhet më normale apo me vend që udhëheqësit politikë, qofshin në pushtet apo larg pushtetit, por sidomos nëse janë në pushtet, të bëjnë thirrje për ndjekjen penale të individëve specifikë. Ajo që duam të shohim nuk është përmendja e emrave specifikë, por një sistem drejtësie të ngritur dhe institucione që kanë si vullnetin ashtu edhe aftësinë për të zbatuar ligjin, barabar, për këdo, në mënyrë që askush të mos jetë mbi ligjin. Ligji të aplikohet barabar. Ndaj, pres me kënaqësi ditën kur mund ta kemi këtë besim te sistemi i drejtësisë i Shqipërisë, te prokurorët dhe gjyqtarët e Shqipërisë?, tha Kim./CNA.al