web counter
LEXO PA REKLAMA!

SHKARKO APP

App Store
Google Play

E fundit!

x

Mjaft me lista partish, shqiptarët duan të zgjedhin vetë deputetin e zonës

12 Maj 2022, 19:44, Aktualitet CNA

Pjesa dërrmuese e shqiptarëve (65%) mendojnë se deputetët e zonës së tyre nuk kanë mbajtur asnjë nga premtimet elektorale të fushatës 2021. Vetëm 14% e shqiptarëve gjejnë premtime elektorale të mbajtura gjatë këtij viti nga deputeti i zonës së tyre.

Më shumë se gjysma (54%) e qytetarëve shqiptarë nuk dëshiron që deputeti i zonës së tij të rikandidohet në zgjedhjet e ardhshme parlamentare. 16,4% e tyre është dakord me rikandidimin e deputetit që sot përfaqëson zonën e tij në parlament.

Nëse shqiptarët i ndajmë sipas partisë që ata kanë votuar në zgjedhjet e fundit parlamentare, rezulton se një në katër votues socialistë (26,9%) mbështet rikandidimin e deputetit të tij të zonës dhe vetëm 17% e votuesve të djathtë janë dakord me rikandidimin e deputetit të zonës së tyre.

Thuajse 80% e shqiptarëve duan të votojnë vetë deputetin e tyre në zgjedhjet e ardhshme parlamentare, dhe jo të votojnë listën e deputetëve që vendos partia politike. Një në pesë (21%) shqiptarë preferon të votojë listat e partive politike.

Gjetjet janë të anketës së Barometrit në Euronews Albania, kryer nga MRB dhe DataCentrum në nivel kombëtar me 11 intervista ballë për ballë në datat 25 Prill deri më 7 maj.





Lajmet e fundit nga