LEXO PA REKLAMA!

SHKARKO APP

Kosova aplikon për anëtarësim në Këshillin e Europës/ Basha: Meritë e zhvillimeve në Prishtinë

12 Maj 2022, 12:55, Politikë CNA

Kosova ka aplikuar sot për anëtarësim me të drejta të plota në Këshillin e Europës.

Ndërkohë, në lidhje me këtë lajm sot ka reaguar edhe ish-kreu i PD-së, Lulzim Basha.

Ky i fundit, nga foltorja e Kuvendit theksoi se kjo vjen si meritë e zhvillimeve në Prishtinë, ndërsa bëri thirrje për mbështetje të plotë.

?Sot kemi rastin të përshëndesim njëzëri aplikimin e Kosovës për anëtarësim me të drejta të plota si anëtare në Këshillin e Europës.

Një hap i menduar dhe planifikuar për vite me radhë mes Tiranës dhe Prishtinës, tani me rakordim të plotë të anëtarëve të Këshillit të Europës. Kjo falë zhvillimeve në Kosovë.

Gjithë Ballkani pësoi rrëshqitje në demokraci, por kjo nuk ndodhi me Kosovën.

Thirrja ime sot që gjithë institucionet e shtetit ta konsiderojnë me seriozitet dhe t’i japin gjithë mbështetjen e nevojshme.

Dua të uroj qytetarët e Kosovës dhe t’i siguroj për mbështyetjen time të plotë personale dhe të gjithë atyre që cilësojnë këtë si një ogur të mirë?-tha ndër të tjera Basha./CNA.al

Lajmet e fundit nga