web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi paralajmëron kryeministrin/ “Tik Tak, ora jote po afron!”

11 Maj 2022, 10:06, Politikë CNA

Kryetarja e LSI-së, Monika Kryemadhi, ka reaguar pas sulmeve të kryeministrit Edi Rama ndaj SPAK-ut.

Përmes një postimi në rrjetet sociale, Kryemadhi shkruan se Rama e ka vendosur partinë e tij në pushtet në funksion të kërcënimit të prokurorëve dhe gjyqtarëve.

?Në vitin 2016 miratuam me 140 vota dhe ndihmën e SHBA-BE një reformë në drejtësi që të hiqnim përfundimisht duart e politikës nga drejtësia.

Sot, kryeministri i vendit e ka vendosur partinë e tij në pushtet, në funksion të kërcënimit të prokurorëve dhe gjyqtarëve, që të mos dënojnë korrupsionin e grupit të tij. Gjithçka e thënë me logon e partisë socialiste në sfond.

Moralisht e turpshme, ligjërisht e dënueshme!?, shkruan Kryemadhi.

Ndërsa gjithashtu ka komentuar deklaratën e kryeministrit Rama ku shprehet se ka udhëhequr Reformën në drejtësi.

?Rama deklaron se ka udhëhequr Reformën në Drejtësi, por ajo nuk është si reforma në ujin e pijshëm që ai me Alqin e inceneratorëve e përdorën për të zhytur drejt falimentit bashkitë dhe duke rënduar familjet shqiptare përmes taksave të larta.

Reformën në Drejtësi e konceptuam dhe miratuam me 140 vota që të mos ishte Ramaforma e radhës. Sot shohim si Rama i ngërdheshet prokurorëve dhe gjyqtarëve, duke i thënë se i ka ndihmuar të kalojnë vetingun, ndaj është herezi që sistemi i drejtësisë të hetojë kryekorruptuesin e sistemit dhe bandën e tij.

Një sistem i pavarur i drejtësisë është jetik për të frenuar shpopullimin dhe nxitur integrimin evropian të Shqipërisë, ndërsa synimet e kryeministrit janë krejt të ndryshme. Tik Tak ora jote po afron!?, vijon më tej kryetarja e LSI-së./ CNA.al





Lajmet e fundit nga