E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Ibsen Elezi zyrtarizon kandidaturën për zgjedhjet në PD/ Prezanton platformën

10 Maj 2022, 17:11, Politikë CNA

Ibsen Elezi ka zyrtarizuar kandidaturën e tij për të marrë pjesë në garën e 22 majit për kreun e ri të PD-së.

Në një dalje për mediat, Elezi ka deklaruar se ai e ka marrë këtë vendim pasi e sheh si detyrim, ndërsa ka bërë të ditur edhe platformën e tij.

?Situatë e rëndë e krijuar në Partinë Demokratike, para dhe pas 11 dhjetorit, si rrjedhojë e mosfunksionimit në vazhdimësi të forumeve drejtuese, shkelja e parimeve dhe rregullave bazë, rastet publike të paprecedentë të manipulimit të votave deri nga eksponentët e lartë politikë, kanë ndikuar në rrënimin e imazhit publik dhe çuarjen drejt shkatërrimit të Partisë Demokratike.

Kuvendi i 11 dhjetorit ishte një shprehje e vullnetit të lirë të demokratëve për rrezimin e modelit antidemokratik Basha dhe ndërtimit të një modeli të ri mbeshtur në parimet themelore demokratike kushtetuese, si dhe per kthimin e Partisë Demokratike në një parti të parimeve konservatore.

Konstatoj me keqardhje se premtimet e foltores për : vendosjen e debatit si nje element thelbësor, barazinë në garë, transparencën, funksionimin institucional, eleminimin e kryetarokracisë, vendosjen e meritokracise dhe konservatorizmi u shkelen duke kryer kështu një akt tradhtie ndaj kuvendit të 11 dhjetorit dhe demokratëve.

Kandidimin tim e shoh si një detyrim për t’u përballur me keto fenomene negative antidemokratike që po na rrënojnë cdo ditë dhe si vazhdimesi të rrugës time konservatore në përballje me të keqen.
Si zgjidhje të kësaj situate jodemokratike brenda dhe jashtë Partisë Demokratike, unë do mundohem të paraqes një platformë të thjeshtë dhe konkluduese që do të çonte në ringritjen e Partisë Demokratike si rruga për daljen nga kriza e varfërisë dhe shpopullimit ku është futur vendi.
Platforma ime do të mbështetet në 2 kolona, zgjerimin e kësaj force politike dhe kthimin e saj te parimet dhe vlerat konservatore.

Fryma e zgjerimit mbështetet kryesisht në parimin e transparencës dhe proceseve me debat, te saktesuar me rregulla dhe vendosjen e standarteve konkrete.
Së pari hapja e një procesi të gjërë debati me gjithë kontribuesit ndër vite duke ja nisur me ata qe i vune shpatullat ne themelimin e saj si dhe me shtresat e ndryshme shoqerore, për të rikthyer besimin e atyre qe e kanë humbur ndër vite?, tha ai. /CNA.al