web counter
LEXO PA REKLAMA!

SHKARKO APP

App Store
Google Play

Boçi “ashpërson tonet” me Alibeajn/ S’mund të dalësh mbi Këshillin Kombëtar

9 Maj 2022, 14:46, Politikë CNA

Deputeti Luçiano Boçi, ka reaguar për mbledhjen e thirrur sot nga Enkelejd Alibeaj për zgjedhjen e Presidentit me Grupin Parlamentar të PD-së, por që u bojkotua masivisht nga demokratët.

Boçi thotë se kjo është tentativa e disatë e Alibeajt për të legjitimuar procesin tallës të Ramës për zgjedhjen e Presidentit.

Me anë të një statusi në rrjetet sociale, ai thotë se politikisht procesin e orienton Këshilli Kombëtar dhe grupin e negociatave e përcakton Komisioni i Rithemelimit.

Gjithashtu deputeti thekson se asnjë i komanduar apo i emëruar tjetër e nga të tjerë nuk mund të dalë mbi ketë organ.

?Tentativa e disatë e Alibeajt për të retushuar e legjitimuar procesin tallës të Ramës për zgjedhjen e Presidentit, duke futur në lojë me zor një pjesë të Grupit Parlamentar, nuk mund të vazhdojë.

Çdo rol që udhëzohet e zbatohet për interes të Ramës bie ndesh me interesat e demokratëve dhe të publikut.

Politikisht proçesin e orienton Këshilli Kombëtar dhe grupin e negociatave e përcakton Komisioni i Rithemelimit.

Asnjë i komanduar apo i emëruar tjetër e nga të tjerë nuk mund të dalë mbi ketë organ.

Kriteret e redaktuara në zyrat e pushtetit e të paraqitura në mënyrë të gënjeshtërt si mendime të PD, nuk mund të shiten për standarte e parime e as për procedurë.

Ato janë thjeshtë manipulime individësh që për interesa e axhenda personale duan të bëhen pjesë e farsës tallëse të Ramës, që ky i fundit të fusë në xhep lehtësisht kukullën e rradhës?, shkruan Boçi.

Ndërkohë, kujtojmë se Enkelejd Alibeaj po vijon konsultimet për zgjedhjen e Presidentit me mazhorancën si kryetar i Grupit Parlamentar të PD, por demokratët e shkarkuan deputetin nga ky post në Kuvendin e 30 prillit./ CNA.al





Lajmet e fundit nga