web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Paralajmërimi i Fevziut: Një gjë e madhe ka luajtur

14 Prill 2022, 19:09, Aktualitet CNA

Gazetari i “Opinion” Blendi Fevziu ka deklaruar se afera e inceneratorëve është një nga aferat më problematike me të cilat është përballur qeveria që prej 2013-ës.

I ftuar në Klan News, Fevziu tha se diçka e madhe ka lujatur, duke paralajmëruar se javën tjetër do të merret në themel me këtë çështje pasi është jashtëzakonisht problematike.

?Është një problem ai që lidhet me sa kam nuhatur unë, që lidhet me mosprishjen e njëanshme të kontratës. Që do të thotë që po nuk i gjete një yçkël për ta prishur kontratën rrezikon të shkosh në arbitrazh dhe të paguash jo 400 milionë, por të t?i paguash 800 milionë kompanisë së inceneratorëve. Kështu që duhet gjetur, o duhet vërtetuar në gjykatë që procedura ka qenë korruptive, o duhet ta vërtetojë SPAK dhe ta pranojë gjykata këtë gjë.

Megjithatë unë do i bëja thirrje qeverisë që ta mbyllë këtë histori dhe të mundohet ta rikthejë mbi baza normale edhe pse mund të ndëshkohen disa njerëz kjo nuk do të sillte ndonjë gjë të madhe. Të vërtetohet problematika që ka. Kisha disa fakte në intervistën e fundit me kryeministrin që flasin vetë.

Keni letrën e ministres së Shtetit, Ermonela Felaj që thotë se nuk duhet t?ia japim kësaj kompanie. Diçka shumë e madhe ka luajtur. Javën e ardhshme do merrem me këtë çështje në themel sepse është një problematikë e jashtëzakonshme. Kjo është afera më problematike që qeveria Rama ka përballur që prej vitit 2013 e këtej?, tha Fevziu./ CNA.al





Lajmet e fundit nga