E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Amnistia fiskale/ Një frymëmarrje për biznesin

10 Prill 2022, 11:13, Ekonomi CNA

Amnistia fiskale, e cila së fundi po artikulohet me vendosmëri nga kryeministri Edi Rama, përtej çdo qasje negative, artikulimi politik, apo sulmi që vjen për shkak të luftërave të ditës në Shqipëri. Luftra që fillojnë në parlament, shkojnë në ekrane televizive, etj, të cilat asnjëherë nuk gjetën një pikë të përbashkët dhe të vërtetë, për palët politike në vend.

Ndërkohë që amnistia e deklaruar nga kryeministri Rama, është një hap i bërë nga ish-kryeministri Sali Berisha në vitin 2011.

cna news, cna lajme, lajme cna, lajme flash cna, cna.al, cna lajme politike, Në atë kohë, për mosdakordësi të Ramës, amnistia u bë e pjesshme.

Kryeministri dje në Kongresin e Partisë Socialiste shpalli hapur qëndrimin e tij për amnistinë. Nuk do të ketë amnisti për paratë e krimit, trafiqeve, prostitucionit, por do të ketë amnisti për biznesin, për qytetarët. Pra, do të jetë e qartë sesi do të kryhet ky proces.

Në Shqipëri ndodh rëndom, që një emigrant të shkojë në një bankë, të fusë 5 mijë apo 7 mijë euro. Për këtë i kërkohet burimi i të ardhurave. Le pastaj të kalojë 10 mijë euro, çfarë ndodh.

Ka emigrantë që kanë punuar me dy apo tre turne për të fituar një pasuri. Kanë punuar në të zezë për të mos paguar taksa.

Dhe nga ana tjetër është biznesi.

Për biznesin amnistia është një frymëmarrje e madhe. Pasi në regjistrat e tyre do të fshihen apo do të deklarohen shumë nga paratë që ata i kanë përdorur për shmangie taksash, apo pagesa që i kryejnë në të zezë.

Një amnisti që e ndihmon së tepërmi biznesin dhe aktivitetin e tij.

Paratë që ndodhen jashtë bilanceve. Ato bilancet e dyfishta që një tjetër bilanc ka kompania, një tjetër i dorëzohet shtetit apo një tjetër bilanc i tretë mund të çohet në banka për kredi. Në këtë rast zhduken.

Në rast se kompanitë deklarojnë fitimet apo paratë që kanë në gjendje, të cilat i kanë pasur jashtë sistemit, do të ketë më shumë para në treg për biznesin. Do të ketë më shumë para edhe për Qeverinë, pasi kuptohet që në amnisti, do të vendoset një përqindje taksimi. cna lajme ekonomi

Do të ketë më shumë para në të bardhë, për të paguar rrogat. Do të ketë më shumë para brenda sistemeve bankare, për investime dhe nuk do të ketë nevojë për dy apo tre bilance.

Gjithçka do jetë më e pastër. Gjithçka do të jetë më e zbardhur. Gjithçka do të jetë më në shërbim të biznesit. Ashtu siç do jetë dhe ndihma ndaj qytetarëve.

Prandaj dhe amnistia duhet mbështetur nga palët politike. E filloi PD-ja në vitin 2011 dhe nuk e bidisi dot kur ishte në Qeveri, pasi e kundërshtuan socialistët.

Sot nga inati se nuk e votuan dje, nuk mund dhe nuk duhet të dalin kundër. Por, të paktën duhet të pranojnë të votojnë minimalisht amnistinë e vitit 2011. Atë që propozuan vetë në atë kohë dhe ndoshta dhe një hap më tej. Sepse një forcë politike e djathtë nuk mund të jetë kundër një amnistie që i shërben biznesit dhe që i shërben qytetarëve. Pasi kjo do ti kthehej në bumerang. Biznesi ka nevojë për amnistinë. Qytetarët kanë nevojë për amnistinë.

Për ata që nuk e kuptojnë dhe duan të bëjnë politikë, e mira është të paktën të heshtin. Në të kundërt do të marrin të gjitha “shuplakat”, “grushtat” e qytetarëve dhe biznesit, të cilët kurrësesi nuk mund të heshtin në rast se do të dëgjojnë sharlatanë dhe palaço politikë që do të dalin kundër një nisme që e do shumica e shqiptarëve, siç është amnistia./CNA.al

Një amnisti për 30 vite tranzicion

Pse na duhet amnistia fiskale?

Rama jep detaje/ Si do jetë amnistia fiskale