LEXO PA REKLAMA!

SHKARKO APP

E fundit!

x

Ekskluzive-Investigimi/ Jorida Tabaku ndërtime pallatesh në Itali

3 Prill 2022, 11:34, Aktualitet CNA
Ekskluzive-Investigimi/ Jorida Tabaku ndërtime pallatesh në Itali

Jorida Tabaku është një personazh politik, e cila pretendon që ka ardhur me kontributin e Forumit Rinor të PD. Në fakt nuk është e tillë. Nuk ka qenë kurrë pjesë e asaj strukture. Ka ardhur dhe ka marrë ofiqe politike dhe emërime për shkak të mbiemrit apo familjes së saj, që kuptohet është një nga dyert e mëdha të kryeqytetit.

Së fundi CNA.al ka kryer disa investigime në lidhje me zonjën Tabaku. Kjo duke parë edhe qasjen e saj në Komisionin për inceneratorët, inatet e saj, mllefet, paaftësinë epike deri tek dështimi i një komisioni që, në finale nuk ka çuar asgjëkundi. Thjesht dhe vetëm arrestimet po kryhen për shkak të hetimeve të gjata të cilat nuk kanë filluar si denoncim i PD por si denoncimi i disa mediave, TPZ, CNA.al, BIRN, Exit.al e të tjera dhe më pas janë shtuar një denoncim apo kallëzim në SPAK i nismës Thurje dhe më pas PD dhe Lulzim Basha, por më tepër në fakt LSI.

Jorida Tabaku është një personazh që në letra çuditërisht na del me shumë leje pallatesh në pronat e saj të firmosura nga Erion Veliaj nëpërmjet biznesmenit Shefqet Kastrati.

Familjarët e Jorida Tabakut, babai i saj, njerëz afër saj, biznesmenë me të cilët ata bashkëpunojnë kanë ndërtuar pallate në Itali. Sipas të dhanve që ka siguruar CNA.al edhe institucione ligjzbatuese në Shqipëri janë në dijeni të këtyre ndërtimeve.

Janë ndërtuar pikërisht në Genova të Italisë. CNA.al do të sjellë nesër të dhëna më të plota dhe të detajuara në lidhje me këtë investigim. Si lidhet babai i Jorida Tabakut? Kush është biznesmeni që fshihet si bashkëpunëtor i tij? Kur ka ndodhur ndërtimi në Itali? Sa ka kushtuar? Sa janë miliona eurot të fituara pasi gjithçka është një proces që tashmë është kryer.

CNA.al sjell një tjetër rast, siç është Jorida Tabaku, një personazh politik që përpiqet të shfaqet si një shenjëtore e ndershmërisë në politikë, por thjesht dhe vetëm është një bashkëpunëtore e socialistëve, e Rilindjes dhe është zhytur në çështje të dyshimta që shkojnë nga lejet e ndërtimit në Bashkinë e Erion Veliajt dhe përfundojnë në Genova të Italisë./CNA.al

Jorida Tabaku, vilë luksoze në Gjirin e Lalzit/ ?Fryhet? pasuria e deputetes së PD, pas djegies së mandateve

Ekskluzive/ Erion Veliaj i dha leje ndërtimi Jorida Tabakut për t?i mbyllur gojën

Ekskluzive- Zbulohet dokumenti/ Leja që firmosi Veliaj për Jorida Tabakun

Lajmet e fundit nga