Enkelejd Alibeaj kapet duke gënjyer

25 Mars 2022, 19:16, Politikë CNA

Enkelejd Alibeaj ka dalë sot pas vendimit të Gjykatës së Tiranës, i cili regjistroi Kuvendin e 11 dhjetorit dhe të gjitha vendimt e këtij Kuvendi, tha disa gënjeshtra.

Gënjeshtra numër 1: Gjyq pa palë. Kush merr vesh tha Alibeaj sot, ky ishte një gjyq pa palë, pse nuk na kanë thirrur edhe ne si palë.

Në lidhje me këtë fakt, ky nuk është një gjyq penal apo civil midis dy palësh, por quhet regjistrim i akteve të një partie politike, çka do të thotë që nuk ka palë. Është një shumicë e një partie që çon procedurat ligjore, gjykata shikon procedurën e ndjekur, shqyrton aktet dhe në fund thotë regjistrohet apo nuk regjistrohet. S?ka dy palë, nuk ka nga kush të kontestohet.

Kjo mbështetet edhe mbi një detaj tjetër. Në 18 mars u regjistruan ndryshimet statutore të 17 korrikut. Këtë gjë e bëri të ditur përfaqësuesi ligjor i PD Indrit Sefa, i cili doli dhe tha se u regjistruan në gjykatë të gjitha vendimet e korrikut, kur Basha u rizgjodh kryetar.

Atëherë vetë përfaqësuesi ligjor i Lulzim Bashës thotë që ne u regjistruam, nuk kemi shkuar akoma për dhjetorin, do ta bëjmë hap pas hapi. Por edhe në atë rast, as pala tjetër, pra Komisioni i Rithemelimit nuk i kontestoi dhe nuk kërkoi të ishte palë, pasi ishte e vetëdijshme që gjykata në këtë rast ka vetëm një palë. Prasiç gjykata regjistroi aktet e 17 korrikut, regjistoi sot edhe 11 dhjetorin, pasi vlerësoi faktet dhe dokumentat.

Fakti i dytë është se Alibeaj tha që do e ankimojmë. Alibeaj gënjen. Edhe pse është jurist, u soll si një anadollak, thjesht dhe vetëm gënjeu publikisht.

Çfarë do ankimoj kur nuk është palë, sepse në këtë rast nuk mund të ankimohet vendimi. Është vetëm Grupi i Rithemelimit, pra shumica e partisë ajo që ka çuar aktet për regjistim në gjykatë e cila mund të bëjë ankimim të vendimit të dhënë nga gjyqtari.

Pala që ka çuar dokumentat i është pranuar kërkesa dhe nuk ka se çfarë të ankimojë. Kështu që Alibeaj me gënjeshtrat dhe daljet e tij publike, thjesht dhe vetëm tregon se është një anadollak politik, është një i paaftë që kërkon të fitojë kohë apo të mbijetojë mbi gënjeshtra, mbi të pavërteta, ashtu siç është mësuar nga Lulzim Basha.

Vendimet e gjykatës janë në këtë rast të padiskutueshme. Kur regjistrohen aktet në regjistrat e partive politike, nuk ka ankimim nga një palë tjetër, por ankimimi mund të bëhet vetëm nga ajo palë që kërkon regjistrimin. Ligji e thotë saktësisht. Në nenin 450, Mospranimi i ankimit

1. Gjyqtari i vetëm i gjykatës që ka dhënë vendimin, në dhomë këshillimi, menjëherë pas paraqitjes së ankimit, vendos mospranimin e ankimit kur:
a) është paraqitur jashtë afatit;
b) nuk ndreqen të metat në afatin e caktuar sipas nenit 455 të këtij Kodi;
c) është bërë kundër një vendimi ndaj të cilit nuk lejohet ankim;

ç) është bërë nga një person që nuk legjitimohet të bëjë ankim.

Në këtë rast ka vlerë gërma “ç”, prandaj e gjithë deklarata e Alibeajt sot është e mbështetur në dy shtylla: e para, pse nuk jemi palë që është një gënjeshtër se nuk ka se si të jetë palë, sepse edhe vetë kur bëri regjistrimet e tij Lulzim Basha nuk kishte palë dhe e dyta ankimimin, që nuk mund ta bëjë, se nuk ja njeh ligji./E.K-CNA.al