Prokurorë dhe gjyqtarë nën hetim/ Emrat, prej të cilëve SPAK-u "hoqi dorë" në mënyrë të dyshimtë

23 Mars 2022, 10:26, Vetingu CNA

Vettingu ka hyrë në vitin e katërt. Që nga viti 2018 kur ka nisur dhe deri në muajin shkurt të vitit 2022, janë rivlerësuar 507 gjyqtarë dhe prokurorë.

Ajo që bie në sy është përgjatë këtyre viteve më shumë ka pasur shkarkime se konfirmime në detyrë.

Gjithashtu ka pasur edhe raste, kur gjyqtarë dhe prokurorë të caktuar sapo janë njohur me gjetjet e Vettingut, kanë dhënë dorëheqje nga detyra dhe janë larguar për të shpëtuar nga vendimi me shkarkim.

Pothuajse të gjithë të shkarkuarit pao të dorëhequrit janë gjendur në problem me pasurinë, me mënyrën se si e kanë krijuar.

Disa prej tyre janë vënë nën hetim nga Struktura e Posaçme Antikorrupsion, u janë sekuestruar pronat, por ende nuk ka një vendim përfundimtar nga GJKKO për ta.

U dënua me dy vjet burg/ Adriatik Llalla: E prisja, vendimi u mor jashtë sallës së gjykimit Vetëm në rastin e ish kryeprokurorit Adriatik Llalla, pati një vendim gjykate dhe më pas po të njëjtën që e akuzuan sfumuan hetimet, duke mos u marrë më tej me çështjen.

E gjitha kjo ndodhi në një kohë që Llalla ndodhej në Itali, siç u tha në arrest shtëpie, por që kurrë nuk u konfimua dhe që nga SPAK-u trumbetohej ekstradimi i tij, gjë që kurrë nuk ndodhi.

Komisioni i Pavarur i Kualikimit nga data 8 shkurt 2018 deri në datën 28 shkurt 2022 ka dhënë 507 vendime.

195 vendime për konfirmimin në detyrë të 101 gjyqtarëve, 82 prokurorëve, 2 ishinspektori të KLD/kandidat për Gjykatë Apeli, 1 inspektore e komanduar në ILD dhe 9 ndihmësve/këshilltarë ligjorë.

190 vendime janë dhënë për shkarkimin nga detyra të 117 gjyqtarëve, 70 prokurorëve, 1 inspektori në ILD dhe 2 ndihmësve ligjorë.

77 vendime janë dhënë për ndërprerje të procesit për 47 gjyqtarë, 21 prokurorë, 2 ishinspektorë në KLD dhe 7 ndihmës ligjorë.

8 vendime janë për pushimin e procesit për 3 gjyqtarë, 1 prokuror dhe 4 ndihmës ligjorë në Gjykatën e Lartë.

35 vendime për përfundimin e procesit janë dhënë për 22 gjyqtarë, 11 prokurorë dhe 1 (ishKryeinspektori i KLD-së dhe 1 ish-Inspektori ILD, sipas nenit 95 të Kodit të Procedurave Administrative dhe neni 64 i ligjit nr. 96/2016.

Gjithashtu 2 vendime janë dhënë për pezullimin nga detyra të 2 prokurorëve. cna lajme vetting

Pjesa më e madhe e gjyqtarëve dhe prokurorëve të shkarkuar për shkak të problemeve me pasurinë kanë përfunduar në avokati.

Pra, sërish janë pjesë e drejtësisë

Një pjesë është licencuar përpara shkarkimit, ndërsa pjesa tjetër, janë pajisur me licensën e avokatit, ndërkohë ishin nën hetime nga Vettingu.

Në këtë aspekt, Vettigu ka dështuar. Pasi qëllimi për t?i nxjerrë jashtë sistemi të drejtësisë, ka dështuar, ata janë sërish në drejtësi po me atë pasuri që nuk kanë arritur ta mbrojnë në Vetting.

Uniformën e gjyqtarit apo prokurorit e kanë ndërruar me atë të avokatit, duke mbetur kështu pjesë e sistemit dhe duke i shpëtuar llogaridhënies për krijimin e pasurisë së tyre.

SPAK ka regjistruar më herët procedimin penal për 9 ish anëtarë të Gjykatës së Lartë dhe Kushtetuese, konkretisht për: Bashkim Dedja, Tom Ndreca, Shkëlzen Selimi, Gani Dizdari, Artan Zeneli, Edmond Islamaj, Guxim Zenelaj, Besnik Imeraj dhe Aleksandër Muskaj.

Të gjithë janë të akuzuar për fshehje të pasurisë.

Ndërkohë disa subjekte të tjera, po për të njëjtën akuzë, SPAK i ka referuar në Prokurorinë e Tiranës apo në prokuroritë e rretheve të tjera.

Kujtojmë se hetimet e SPAK nisën pas një padie që bëri avokati Fran Dashi ndaj shumë gjyqtarëve dhe prokurorëve.

Bëhet fjalë për ish kryeprokurorin e Tiranës, Petrit Fusha, ish prokurorët Fatmir Lushi, Besnik Cani, Ferdinad Elezi dhe Besa Nikëhasani, si dhe ish gjyqtarët Luan Dervishi, Marina Rraboshta, Besim Trezhnjeva, Arjan Balliu dhe Ema Gashi.

Dhe sot nuk dihet se çfarë ka ndodhur me hetimet për këta prokurorë dhe gjyqtarë./CNA.al