E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Lufta Rusi-Ukrainë/ Rama: Edhe Shqipëria do të preket nga rritja e çmimeve

3 Mars 2022, 21:35, Politikë CNA

Kryeministri Edi Rama, në një lidhje direkte në emisionin Opinion, ka deklaruar se për shkak të luftës Rusi-Ukrainë edhe Shqipëria do të preket përsa i përket rritjes së çmimeve.

Kryeministri Rama ka theksuar se qeveria po përpiqet që të mbajë ritmin aktual për mos rritjen e çmimit të energjisë, që duke qenë në kushte lufte bëhet edhe më e vështirë.

Gjithashtu Rama tha se nafta është kthyer në pikun e saj të vitit 2014.

?Së pari kur unë dola para disa muajsh dhe paralajmërova një periudhë shumë të vështirë krize për energjinë nuk parashihja në asnjë mënyrë luftën por ishte e qartë që kishte filluar të frynte një erë e ftohtë në shpinën e Europës si rezultat i fillimit të asaj që sot është shumë e qartë ku synonte,një lëvizje e Vladimir Putini në lidhje me gazin dhe furnizimin e tij plus që e lidhur kjo me efektet e post pandemisë kur ajo era që fryn në të kundërt të asaj që ishte periudha e pandemisë u ballafaqua me një kërkesë shumë të lartë se ofertës në tregjet ndërkombëtare.

Ajo që sot mund të them të parën është që kjo qeveri po bën diçka që do të përpiqemi ta mbajmë siç jemi por në kushte të luftës bëhet edhe më e vështirë që është mos rritja e çmimit të energjisë gjë që nuk e kanë bërë vendet e tjera, vendet fqinje.

Nafta sot është kthyer në pikun e vet të vitit 2014 në tregjet ndërkombëtare dhe sigurisht edhe rritja e përgjithshme e çmimeve që ishte një trend i post pandemisë për shkak të një rritje të inflacionit nga hedhja në qarkullim e sasive të mëdha të parave dhe nga ana tjetër si efekt i nevojës në rritje dhe i ofertës jo kompatibël ka bërë që Shqipëria patjetër të afektohet.

Dua të them qytetarëve që ne jemi këtu për t?i mbrojtur. Për çmimin e energjisë deri më tani ka funksionuar. Duhet të jemi të vetëdijshëm që jemi në luftë. Nuk na afekton ushtarakisht por nga ana e çmimeve?, tha Rama./A.E-CNA.al