E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Basha çudit dibranët/ Mbyll fushatën me luftën në Ukrainë

3 Mars 2022, 11:11, Politikë CNA

Lulzim Basha ka qenë sot në Dibër në krah të kandidatit të tij, për bashkinë Dibër, Luan Haka.

?Në zemër të Dibrës, në një ditë kur dielli po shndrit dhe më fort shkëlqimi i tij na duket dhe më i madh se sheshi është mbushur plot e përplot me nëna e baballarë dhe me rininë dibrane që e keni zgjedhur të jetë zëdhënësja e Dibrës.

Ja tek jemi mbledhur për një vendim që do merret të dielën.

Shumë gjëra kanë ndodhur nga takimi ynë i fundit. Dibra ka dekada që mbahet e izoluar, por dibranët e ndodhur kudo anembanë botës kurrë skanë qenë të izoluar nga ngjarjet anembanë botës?, është shprehur Basha.

Ky i fundit është ndaluar më tej tek lufta në Ukrainë, ku ka folur gjërë gjatë për këtë temë, ndonëse ishte në Dibër për mbyllje të fushatës.

Sipas Bashës pushtimi që po i bën Rusia Ukrainës, është një kërcënim për mbarë botën demokratike.

?Ngjarjet që ndodhin në Ukrainën e largët mund të destabilizojnë edhe Ballkanin përmes atyre aleatëve të agresorit të Ukrainës, të atyre që siç e thotë edhe kënga lanë shapkat në pyjet e Lurës dhe brigjet e Drinit.

Aleatit që u nda nga bota demokratike dhe refuzoi ta dënojë agresionin rus. Por shqiptarët janë të bekuar me një aleat si SHBA-të, Shqipëria është pjesë e NATO-s dhe askush nuk ka guximin të na sulmojë sinoret tona. Pasi çdo sulm ndaj NATO-s, është sulm ndaj Shteteve të Bashkuara dhe ndaj NATO-s, jemi të mbrojtur në çdo rast.

Ndaj është detyrë e Partisë Demokratike që qëndrojë përkrahë Shteteve të Bashkuara të Amerikës.
Kjo situatë do të ndikojë edhe në ekonominë tonë, nafta po vijon të rritet. Siç e keni dëgjuar edhe më parë, thirrja ime ndaj kësaj qeverie është të marrë masat e nevojshme dhe të ndal pagesat për koncesionet.

Çdo qeveri po merr masa për qytetarët, po siguron rezerva karburanti dhe ushqimesh si dhe po shënjestrojnë zonat më në vështirësi ekonomike, Dibra është një prej tyre dhe taksat e vjedhura të qytetarëve duhet të kthehen tek qytetarët?, është shprehur Basha./CNA.al