web counter
LEXO PA REKLAMA!

SHKARKO APP

App Store
Google Play

E fundit!

x

“Pse i “kruhet nën kësulë” kryeministrit tonë”/ Ish-presidenti “kryqëzon” Ramën, mesazhi për qytetarët

3 Mars 2022, 08:54, Politikë CNA

Ish-presidenti Bujar Nishani ka reaguar me tone të forta pas deklaratës së kryeministrit Edi Rama I cili e cilësoi si ?triumfaliste? votën e Serbisë, pro rezolutës së Asamblesë së Përgjithëshme të OKB kundër pushtimit rus.

Në një postim në rrjetet sociale, Nishani e quan Ramën sharlatan, ndërsa thekson se ?si mundet që merakun më të madh të propagandës së vet publike kishte jehonën ?triumfaliste? për votën e Serbisë?.

Sipas Nishanit, bota e di mirë se përse Serbia e votoi atë Rezolutë formale sonte, por asnjë angazhim në sanksionet anti ruse nuk ka.

Më tej, ai i drejton edhe një mesazh të fortë qytetarëve, ndërsa shkruan ?Zgjohu shqiptar?.

?Edi Rama një sharlatan i paparë.

Sonte e degradoi edhe njëherë imazhin e shtetit shqiptar ky karagjoz i llojit të vet.

Shumë mirë bëri që e përshëndeti Rezolutën e Asamblesë së Përgjithëshme të OKB kundër pushtimit rus.

Por si mundet që merakun më të madh të propagandës së vet publike kishte jehonën ?triumfaliste? për votën e Serbisë ?

Si mundet që Kryeministri i një vendi sovran ta kthejë veten në zëdhënësin agjitator të një shteti tjetër, që në fakt ka marrë deri tani pozicionin më antidemokratik e antihuman ndaj krimeve ruse në Ukrainë ?

Përse u dashka që një kryeministër të ?fluturojë? me propagandën ndaj një vendi tjetër e për më tepër kur e gjithë Evropa e ka damkosur Serbinë filoruse ?

Pse i ?krruhet nën kësulë? këtij kryeministrit tonë, kur halli i botës së qytetëruar është shumë më i madh e tjetërkund ?

Bota e di mirë se përse Serbia e votoi atë Rezolutë formale sonte, por asnjë angazhim në sanksionet anti ruse nuk ka !

As për mbështetje ndaj Ukrainës, as për dënim ndaj Rusisë por veç për hallin e vet në rajon !

Turp e faqja e zezë me këta sharlatanë që i janë bërë ?peshqesh? këtij vendi.

Zgjohu shqiptar !?-shkruan Bujar Nishani./CNA.al





Lajmet e fundit nga