E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Rama “kryqëzon” Tabakun/ Mos fyeni inteligjencën time

23 Shkurt 2022, 11:51, Politikë CNA

Kryeministri Edi Rama është thirrur sot për të dëshmuar në Komisionin Hetimor Parlamentar për inceneratorët.

Mbledhja ka nisur me debate, ndërsa kryeministri Edi Rama ka ?kryqëzuar? kryetaren e këtij Komisioni Jorida Tabaku, pas një pyetje që I ka drejtuar kjo e fundit.

Deputetja Tabaku ka pyetur kryeministrin, nëse mban mend një mbledhje Qeverie, të datës 17 Dhjetor 2014, ku sipas saj është marrë vendimi për financimin paraprak për kontratën koncesionare për inceneratorin e Elbasanit.

Por, pas kësaj pyetje, Rama ka ngritur tonet, ndërsa e cilësoi pyetjen e Tabakut si ?fyerje e inteligjencës?.

Rama tha se kjo pyetje është ofenduese, pasi sipas tij mbledhjet e qeverisë janë thjeshtë punë rutinë.

?Jo zonjë nuk e mbaj mend. A e mban mend një mbledhje qeverie është një pyetje që nuk bën sens. Mos ofendoni inteligjencën time.

Unë kam një problem të madh me fyerjen e inteligjencës.

E kam problem, e kam shumë problem kur inteligjenca fyhet në këtë pikë. Zonjë mos më cito mua gabim. Po bëni propagandë.

Unë nuk mbaj mend asnjë mbledhje qeverie jo sepse unë dua të shmangem, unë i qëndroj një për një çdo vendimi.

Mbledhja e qeverisë është punë rutinë, që bëhet çdo javë?-tha Rama.

Ndërkohë, ndërhyri Tabaku, e cila tha se ?Në këtë mbledhje është marrë vendimi për financimin paraprak për një kontratë koncesionare për të cilën është vënë në pranga një ish-ministër?.

Nga ana tjetër Rama largoi çdo përgjegjësi nga vetja, ndërsa theksoi se Lefter Koka është në burg, për përgjegjësi individuale.

?Ish-ministri nuk është i akuzuar për një vendim qeverie, është nën akuzë për një korrupsion që ai individualisht ka kryer me palën tjetër, prandaj kur fola pak më para kishte lidhje përgjigja ime.

Lidhja mes mbledhjeve, vendimeve, funksionimeve të të gjithë zinxhirit me akuzën ndaj ish-ministrit nuk ka lidhje fare.

Ajo është një marrëdhënie që mbi dyshimin është ngritur akuza për korrupsion?-deklaroi Rama./CNA.al