Fadil Nasufi, pazar me pronarët e inceneratorëve

23 Shkurt 2022, 11:03, Politikë CNA

Koncesioni i inceneratorëve është një ndër më të akuzuarit në Shqipëri. Një koncesion, i quajtur edhe si afera e shekullit.

Afera e inceneratorëve ka nisur në vitin 2014. Pra, pas ardhjes së Rilindjes në pushtet.

Zëri i Amerikës, Birn, CNA.al, kanë denoncuar nëpërmjet dokumenteve faktet e kësaj afere, pas së cilës dalin të njëjtët emra.

Bëhet fjalë një seri kompanish në ortakëri me njëra-tjetrën, deri edhe kompani të rregjistruara në parajsa fiskale.

cna news, cna lajme, lajme cna, lajme flash cna, cna.al, cna lajme politike, Nga ana tjetër, kryeministri po përpiqet të justifikojë inceneratorët dhe shumat e parave të mëdha të përdorura, me zhdukjen e maleve me plehra.

Në fakt, kryeministri nuk po thotë se kjo faturë është të paktën 178 milionë euro, vetëm kontrata fillestare. Pra, me tre kontratat e firmosura në Tiranë, Elbasan dhe Fier. Dhe nuk ka incenerator në funksion në asnjë nga të tre landfillet, apo zonat për ndërtimin e tyre. i vetmi incenerator ekzistues është ai i Elbasanit.

Por, ndërkohë qe çështja e inceneratorëvë është tashmë në duart e drejtësisë. Një ish-ministër është vënë në pranga, pa një hetimi të SPAK në lidhje me inceneratorin e Elbasanit, Rama po tenton të ?amnistojë? këtë aferë.

E për këtë po përdor një Komision Hetimor Parlamentar, i ngritur me kërkesë të ?aleatit? të tij Lulzim Basha.

Por, kush janë anëtarët e këtij komisioni?

Një ndër anëtarët e këtij Komisioni, është edhe deputeti i PS, Fadil Nasufi, ish-kreu i Bashkisë së Beratit.

Nasufi është në konflikt të pastër interesi.

Kujtojmë këtu se CNA.al më parë ka raportuar në lidhje me shtrirjen e tentakulave të kompanive të inceneratorëve, edhe tek ujësjellësit, ku një ndër Bashkitë është edhe ajo e Beratit.

Gjithçka ka filluar në vitin 2013, kur kryetar i bashkisë së Beratit ishte Fadil Nasufi, sot deputet i PS.

Bëhet fjalë për matësa wirless, standardet dhe cilësia e të cilëve lë mjaft për të dëshiruar. Pa folur për çmimin, i cili është disa herë më i lartë sesa tregu.

Klodian Zoto i ITS-së, shkon dhe pas negociatash, Bashkia e Beratit merr një kredi nga Venetto Bankë, rreth një milion euro për matësa ëirless.

Matësa këto të cilat do të vendoseshin në këtë qytet, por do të kishte dhe një të ashtuquajtur sallë operative, dhe kontrolli apo menaxhimi si dhe kostot e matësave dhe rrjetit të transmetimit.

Kontrata e publikuar nga CNA.al, të cilën mund ta lexoni këtu, mban firmën e Fadil Nasufit, në atë kohë kryetar i Bashkisë së Beratit, i cili është dhe personi që ka kërkuar kredinë për të bërë investimin në këtë institucion.

Më pas është Kontrolli i Lartë të Shtetit, i cili në një raport ka konstatuar shkeljet dhe abuzimet.

Sipas një denoncimi të ardhur në CNA.al flitet për një sallë kontrolli dhe menaxhimi të rrjetit e cila ka kushtuar rreth 380 mijë euro.

Salla në të vërtetë ka qënë një ambient me tre televizorë LED, që nuk kushtojnë më shumë se dy apo tre milionë lekë të vjetra dhe disa kompjutera të cilët kontrollonin të ashtuquajtur rrjet, që jepet si zigjidhje nga ITS-ja, e Klodian Zotos.

Kjo sallë dhe kjo shumë parash, pas një viti ose diçka më shumë, është ?hedhur në kosh të plehrave?, sepse i gjithë investimi është bërë në një objekt privat ku ka qënë Drejtoria e Ujësjellësit, e cila më pas ka ndryshuar zyrat e saj dhe ka shkuar në një ambient tjetër, pas një investimi të bërë nga KFW Bankë.

Ndërsa tani, Fadil Nasufi, personi që gati çoi në faliment Bashkinë e Beratit, pas një kontrate me një ndër pronarët e inceneratorëve, pra kompaninë ITS të Klodian Zotos, sot është një ndër anëtarët e Komisionit Hetimor, që do hetojë inceneratorët./CNA.al

Afera e ujësjellësave/ Bashkia Berat, një milionë euro për Klodian Zoton e inceneratorëve

Inceneratorët, vjedhja e Kokës apo e Rilindjes?!

Basha dhe Rama tentojnë të ?amnistojnë? inceneratorët/ Të pathënat e Komisionit Hetimor, tre deputetë në konflikt interesi