"PD është shndërruar në një fasadë të qeverisë"/ Berisha: Zgjedhjet e 6 Marsit, ngjarje e madhe

22 Shkurt 2022, 15:16, Politikë CNA

Ish kryeministri Sali Berisha ka preznatuar në Postribë, kandidatin e Shtëpisë së Lirisë për Shkodrën, Bardh Spahia.

Berisha ka theksuar se zgjedhjet e 6 Marsit janë një ngjarje e madhe pasi vijnë në një kohë për PD është shndërruar në një fasadë e qeverisë dhe udhëhiqet nga ajo.

?Në datën 6 mars, votojmë për qytetarë të parë, kryebashkiakë të parë të Shkodrës, Durrësit, Peshkopisë, Lushnjes, Rrogozhinës dhe Vorës. Kjo është një ngjarje e madhe. Kam kënaqësinë të paraqes para jush, Bardh Spahinë, një bir të Shkodrës, humanist të vërtetë. Mjeku është shërbëtor dhe Bardh Spahia do të jetë një shërbëtor i qytetarëve të Postribës dhe mbarë Shkodrës.

Me gjithë diskriminimin e Ramës, bashkia është përpjekur të shpërndajë të ardhura me objektivitet, janë ndërtuar rrugë, shkolla, kanale vaditëse. Ju them këtu se Bardh Spahia do të punojë për të përfunduar çdo projekt.

Këto zgjedhje, janë për kryebashkiakët, por këto zgjedhje janë në një moment historik për PD-në. Zhvillohen në një kohë kur PD, për shkak të një udhëheqje të marrë peng nga qeveria, humbi misionin e saj. U shndërrua në një fasadë të qeverisë. U bashkua me vepra korruptive me qeverinë.

Banorët e Shkodrës, por edhe demokratët e Shqipërisë u ngritën, me betimin për të qenë opozitë e vërtetë. Sepse, vetëm si opozitë e vërtetë ne përmbushim misionin tonë. Për të qenë opozitë e vërtetë, duhet të kthejmë vlerat për të cilat jemi ndërtuar dhe njëra prej tyre është liria dhe të drejtat njerëzore.

100% e vërtetë, që adn e PD-së janë të përndjekurit politikë, se ata kanë sakrifica të pafundme për dinjitetin njerëzor. Nuk ka liri të vërtetë nëse qytetarët nuk votojnë të lirë. Ndaj ne e filluam betejën tonë, me votën e lirë. Kandidati ynë për bashkinë është i dalë nga vullneti juaj i lirë, primaret, vota juaj.

Sot përballë kandidatit tuaj, garon dhe kandidatja e Ramës, e cila përfaqëson armikun më të egër të Shkodrës, pas Enver Hoxhës?, tha Sali Berisha./A.E-CNA.al