E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Basha dhe Rama tentojnë të “amnistojnë” inceneratorët/ Të pathënat e Komisionit Hetimor, tre deputetë në konflikt interesi

22 Shkurt 2022, 11:41, Politikë CNA

Koncesioni i inceneratorëve, ndër më të akuzuarit në Shqipëri, i quajtur edhe si afera e shekullit, duket se po tentohet të amnistohet nëpërmjet një Komisioni Hetimor Parlamentar, i kërkuar nga Lulzim Basha.

Bëhet fjalë për një aferë, ku vetëm kontrata koncesionare, janë 178 milionë euro, ndërkohë që sipas një raporti të KLSH, vlera reale shkon në rreth 430 milionë euro.

Por, ndërsa çështja është tashmë në hetim nga SPAK dhe mediat, duke përfshirë CNA.al, kanë denoncuar me fakte dhe dokumente këtë aferë, në ?lojë? hyn Lulzim Basha, i cili vjedh kauzën, për ta dështuar.

Dhe pikërisht është kjo ajo që po shikohet qartë në të ashtuquajturin Komision Hetimor, për inceneratorët, i cili drejtohet nga e besuara e Lulzim Bashës.

Ajo që po ndodh në Komisionin Hetimor, duket qartë se Lulzim Basha dhe Edi Rama, po kërkojnë të ?amistojnë? këtë aferë.

Tre nga anëtarët e Lulzim Bashës, në Komisionin Hetimor për inceneratorët janë në konflikt interesi.

Së pari, kryetarja e këtij komisioni, Jorida Tabaku është në konflikt të hapur interesi, pasi familjarë të saj kanë përfituar leje ndërtimi nga kryebashkiaku i Tiranës, Erion Veliaj.

Vetë Veliaj, sot tha në mbledhje se Tabaku është në konflikt interesi.

?Të kam dhënë leje ndërtimi, je në konflikt interesi?-iu drejtua Veliaj, Tabakut.

Nga ana tjetër, CNA.al nëpërmjet dokumenteve ka zbuluar dy leje ndërtimi të dhëna nga Veliaj, ku përfitues janë familjarë të deputetes Tabaku.

Pra, Tabaku heton Veliajn, ndërsa ky i fundit e ?shpërblen? me leje ndërtimi, ku janë përfitues familjarë të saj.

Një tjetër deputet, pjesë e këtij Komisioni është edhe Lefter Gështenja. Sërish në konflikt interesi. Kjo pasi Gështenja ka qënë drejtor në një nga kompanitë më të mëdha të ndërtimit në Tiranë.

Më tej, është një tjetër anëtar në këtë komision.

Bëhet fjalë për Fadil Nasufin, ish-kryetari i Bashkisë së Beratit, sot deputet i PS.

Fadil Nasufi, është personi që ka firmosur një kontratë, ku përfitues është Klodian Zoto.

Gjithçka ka filluar rreth tetorit të vitit 2013, ku Klodian Zoto i ITS-së, shkon dhe pas negociatash, Bashkia e Beratit merr një kredi nga Venetto Bankë, rreth një milion euro për matësa wirless.

Matësa këto të cilat do të vendoseshin në këtë qytet, por do të kishte dhe një të ashtuquajtur sallë operative, dhe kontrolli apo menaxhimi si dhe kostot e matësave dhe rrjetit të transmetimit.

CNA.al më parë, ka publikuar kontratën e cila mban firmën e Fadil Nasufit, në atë kohë kryetar i Bashkisë së Beratit, i cili është dhe personi që ka kërkuar kredinë për të bërë investimin në këtë institucion.

Salla e monitorimit 500 mijë euro me një kompjuter dhe tre televizorë, u prish pas disa javësh dhe gjysma e investimit u hodh në plehra. Për të mos folur për matësat, një pjesë e të cilëve janë jashtë funksioni.

Dhe tani Fadil Nasufi, do të hetojë Klodian Zoton?/CNA.al

Afera e ujësjellësave/ Bashkia Berat, një milionë euro për Klodian Zoton e inceneratorëve

?Të kam dhënë leje ndërtimi, je në konflikt interesi?/ Veliaj zbulon pazaret me Tabakun

Veliaj me pyetjet gati në Komision/ Tabaku i kthen borxhin e lejeve të ndërtimit

Luli e akuzon si oligark/ Çet Kastrati ndërton kullat e Jorida Tabakut, me lejet e Veliajt