web counter
LEXO PA REKLAMA!

SHKARKO APP

App Store
Google Play

Manjani tregon arsyen/ Ja pse nuk shkarkohet Meta, apel anëtarëve të Kushtetueses

8 Shkurt 2022, 15:20, Politikë CNA

Për Ylli Manjanin, presidenti Ilir Meta nuk shkarkohet nga Gjykata Kushtetuese.

Në një intervistë televizive, Manjani teksa pranon se Meta ka pasur një sjellje që lë për të dëshiruar, por thekson se nuk shkarkohet nga detyra një president vetëm pse flet.

Sipas tij, anëtarët e gjykatës duhet të shohin raportin kushtetues dhe të mos ndikohen nga politika.

?Gjykata Kushtetuese duhet të mbajë në konsideratë parësore raportin kushtetues President-Parlament dhe raportin President- Kushtetutë, jo detyrimisht raportet politike të Ilir Metës me Edi Ramën, Lulzim Bashën, Sali Berishën apo Monika Kryemadhin.

Personalisht nuk kam asnjë dyshim që sjellja publike e Ilir Metës si President lë shumë për të dëshiruar. Konfuze dhe kakofonike. Kontradiktore në ekstrem. Tjetër gjë shkruan dhe tjetër gjë thotë në publik.

Disa veprime zyrtare, si fjala vjen shtyrja e zgjedhjeve vendore, i ka justifikuar keq dhe shumë keq.

Po kur vjen puna tek raporti Parlament-President apo President-Kushtetutë, arsyetimi është më madhor sesa kaq.

Duhet ndarë Ilir Meta nga Presidenti. Dhe Presidenti nuk shkarkohet pse flet. Presidenti shkarkohet kur shkel rëndë Kushtetutën, ose kryen një krim. Kur presidenti flet, padyshim keq, nuk do të thotë se shkel Kushtetutën. Aq më pak kryen krim.

Personi president mban përgjegjësi publike për atë që flet. Por kjo është tjetër gjë.

Nga ana tjetër as Parlamenti nuk është në më të mirën e moralit publik. Ca më keq akoma është në dhunim permanent të Kushtetutës së vendit. Shkelësi i Kushtetutës nuk mund të kërkojë kushtetushmëri.

Ndaj them që Gjykata duhet të shohë raportin kushtetues dhe jo detyrimisht personat që gjenden në ato funksione, që ndoshta s?meritojnë të jenë, por janë aty për arsye politike. Këtë mendim kam patur dhe kam ende për këtë çështje?, tha Manjani./E.K-CNA.al





Lajmet e fundit nga