web counter
LEXO PA REKLAMA!

SHKARKO APP

App Store
Google Play

E fundit!

x

“Nga ulja e çmimeve të fluturimeve, tek punësimet”/ Rama jep lajmin e mirë nga Kukësi

4 Shkurt 2022, 09:37, Politikë CNA

Kryeministri Edi Rama, i pranishëm sot në Aeroportin e Kukësit, ku u testua me sukses fluturimi i ËizzAir, ka dhënë një lajm të mirë për qytetarët.

Rama theksoi se do të fillojë një epokë e re për banorët e Kukësit, por jo vetëm, ndërsa shtoi se konkurenca e lirë ka ulur në mënyrë të ndjeshme çmimet e biletave për qytetarët.

?Jam shumë i kënaqur që ne sot jemi këtu për ti dhënë një mundësi të re jo vetëm Kukësit, por edhe për pjesën e Kosovës dhe Maqedonisë së Veriut, duke iu hapur katër destinacione, Austri, Gjermani dhe në Zvicër. Janë tre vende me katër destinacione, dy herë në javë, ku çmimet e udhëtimeve janë 19 euro për secilin destinacion. Sot mund të shohim si ka ndryshuar gjithë panorama e çmimeve, falë reformave, falë konkurencës së lirë dhe falë negociatave dhe marrëveshjes së re me koncesionarin e ri të Aeroportit të Tiranës.

Në tërësi rënia e çmimeve është shumë domethënëse. Aeroporti i Tiranës sot është një Aeroport shumë konkurues. Me heqjen e taksës së kufirit nga Aeroportet do ketë një tjetër ulje të çmimeve për qytetarët.

Një tjetër pikë është edhe punësimi, sot Wizzair ka mbi 200 të punësuar, të rinj dhe të reja, dhe plani është të shkojë në 500 të punësuar. Janë vende pune cilësore dhe të paguara mirë. Të gjithë ata që dëshirojnë të provojnë veten e tyre dhe të punësohen në këto kompani, mos të presin të shpia por të shkojnë të aplikojnë. E fundit që dua të them sot është se në do të vazhdojmë investimet. Në Aeroportin e Tiranës do bëhen investime masive.?-tha Rama.

Rama shtoi se nuk do i ndahet Kukësit derisa djemtë e Londrës të kenë fluturimet e tyre me tarifa simbolike. Ai u ndal te akuzat e shumta duke theksuar se në fund fjalët i merr era dhe fjalët e mira mbeten.

?Destinacioni tjetër i rëndësishëm është Anglia. Unë nuk do I ndahem Kukësit derisa djemtë e Londrës nga Kukësi të kenë fluturimet e tyre me tarifa krejtësisht simbolike. Në fund fjalët i merr era dhe punët e mira mbeten. Jam besimplotë që ky aeroport ka një të ardhme fantastike. Dua ta falenderoj drejtorin për gatishmërinë për ta parë Kukësin si mundësi. Në fillim ishte pak skeptik. Sot është një ditë e bukur me diell dhe dëborë.”-u shpreh Rama./CNA.al





Lajmet e fundit nga