web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 6 marsit/ Ja çfarë mendon Berisha për kandidatët e Bashës

3 Shkurt 2022, 20:12, Politikë CNA

Lulzim Basha ka zgjedhur 6 kandidatët për zgjedhjet e pjesshme vendore, por për ish kryeministrin Sali Berisha ata nuk do të arrijnë dot të mundin kandidatët e dalë nga vota e demokratëve.

Në një intervistë për emisionin Log me Endri Xhafon, Berisha u shpreh se kandidatët që kanë pranuar të jenë në listën e Bashës kanë probleme me veten e tyre, ndërsa thekson se gara në PD këtë vit ka qenë historike.

?Më vjen keq që këta zotërinj pranojnë të jenë kandidat të Lul Bravës dhe të mos i nënshtrohen primareve, votës së lirë të antarësisë së PD. Pranojnë të jenë kandidat i një njeriu që do mbahet mend për matematikën e tij se 1958 delegatë bëjnë 5004 delegatë. Pranojnë të bëhen instrumenta në duart e një njeriu që sikur ndonjë herë hodhi gaz helmues ndaj atyre që e kishin votuar dhe brohoritur me rrallë. Është një simbol i shëmtuar i politikës me krimin, ku u mbrojt me banditë e trafikantë. Ata të cilët investohen si përfaqësues të Lul Bravës ata kanë problem me veten e tyre.

Gara e PD këtë vit ishte historike sepse çdo kandidat ështëprodukt i votës së lirë të demokratëve. Çdo njëri prej këtyre që ju përmendët kanë qenë të lirë të marrin pjesë. Nuk ka asnjë diskutim që kandidatët e PD të dalë me votën e anëtarëve të saj nuk kanë të krahasuar me asnjë kandidat tjetër të Lul Bravës cilido qoftë ai. Bardh Spahia do votohet nga demokratët e Shkodrës. Ka një raport me të vërtetën më të saktë se të gjithë shqiptarët e tjerë. Qytetarët e Shkodrës e dinë që çdo votë për Lulzim Bashën është votë për Edi Ramën?, tha Berisha./E.K-CNA.al





Lajmet e fundit nga