Krimi horror në Kuçovë/ Autopsia zbulon detajet shokuese

21 Janar 2022, 08:36, Kronika CNA
Krimi horror në Kuçovë/ Autopsia zbulon detajet shokuese

Borxhi është bërë shkak për një ngjarje të rëndë në fshatin Kozare në Kuçovë ku 58-vjeçari Fetah Marra vrau mbrëmjen e djeshme fqinjën e tij Fatime Suli dhe pasi e hodhi në kanal gjysmë të zhveshur e mbuloi me gjethe.

Burime bëjnë me dije për ABC se si rezultat i autopsisë është arritur në përfundimin se gruaja ka ndërruar jetë nga asfiksia si pasojë e mbytjes me duar.

Pasi e ka vrarë pa iu dridhur qerpiku ai e ka hedhur në kanal 1 km larg banesës së saj, ndërkohë që familjarët e kërkonin prej orësh të shqetësuar.

Pas pyetjes së dëshmitarëve dhe këqyrjes së pamjeve filmike në kamerat e sigurisë në disa biznese përreth, policia ka bërë të mundur arrestimin e autorit. Marra është dërguar para grupit hetimor ku po jep dëshminë e tij ndërsa burimet konfirmojnë se vrasja ka ndodhur për disa para borxh, që Marra i kishte familjes së gruas.

Lajmet e fundit nga