web counter
LEXO PA REKLAMA!

SHKARKO APP

App Store
Google Play

E fundit!

x

Vokshi uron anëtaret e Lidhjes Demokratike të Gruas/ "Përpjekja për të na përçarë do të dështojë"

31 Dhjetor 2021, 15:21, Politikë CNA

Deputetja e PD, Albana Vokshi ka uruar të gjitha zonjat drejtuese dhe anëtare të Lidhjes Demokratike të Gruas.

Përmes një postimi, Vokshi shpreh mirënjohjen e saj për të gjithë punën që ato kanë bërë gjatë vitit.

Ndër të tjera, deputetja thekson se cdo përpjekje për përçarje për të shkatërruar historinë dhe kontributin dhe strukturën e LDGSH do të dështojë.

?Një urim për të gjitha zonjat drejtuese dhe anëtare të LDGSH:  Lidhja Demokratike e Gruas së Shqipërisë – Faqja Zyrtare

Të nderuara mike,

Ju falenderoj të gjithave me mirënjohje të thellë për punën që kemi bërë në vitin që po lemë pas. Me shumë prej jush kemi bashkëpunuar prej shumë vitesh, e jam e sigurt që do vazhdojmë të bashkëpunojmë për një kohë të gjatë. Mirënjohje të thellë për cdo kontribut tuajin ndër vite, për cdo gur të vendosur në themelet e demokracisë ende të brishtë në Shqipëri.

Në këtë ditë të fundit të këtij viti dua t?ju them që jam krenare, më shumë se kurrë për nderin që më keni dhënë që të jem në krye të përpjekjeve tona të përbashkëta.

Jam krenare për çdo gjë që kemi bërë së bashku për një #LDGSH aktive, dinjitoze e ja kemi dalë.

Jam krenare për punën e përbashkët këto dy vjet për të zhvilluar zgjedhjet e brendëshme në LDGSH. Sot LDGSH është organizata më e madhe politike e grave në Shqipëri e në rajon. Kjo falë punes e kontributit tuaj të cmuar.

Jam krenare për punën që ju keni bërë gjatë fushatës së fundit elektorale, duke dhënë çdo gjë për fitoren.

Ky vit ka qenë sfidues për PD dhe LDGSH. Situata në PD nuk është sic do të donim të gjitha ne. Cdo ditë po përballemi tentativa për të cbërë punën, mundin, kontributin e sakrificat tuaja e të zonjave të degeve tuaja të LDG.

E di që mes nesh ka drejtuese që mendojnë ndryshe nga unë apo ndryshe nga shumica prej nesh për situatën në të cilën po kalojmë. Por, në fund të fundit demokracia është respekti për mendimin e lirë, për mendimin ndryshe.

Ndaj jam e sigurt, që cdo përpjekje për të na percarë, për të shkatërruar historinë dhe kontributin dhe strukturën e LDGSH do të dështojë. Askush nuk do mund të cenojë as LDGSH e as kontributin tuaj.

Ju ftoj të gjithave, për një moment reflektimi, për bashkim energjish, forcash, për një #PD- familjen tonë të përbashkët, më të hapur, më të bashkuar, më të fortë e më demokratike.

Uroj për secilën prej jush një vit të ri 2022 plot me gëzime, shëndet, paqe, harmoni familjare. Uroj një vit më të mirë r më të suksesshëm për familjen tone të madhe PD.

Një PD dhe opozitë e fortë, sfiduese, garante e mbrojtjes së interesave të cdo qytetari shqiptar dhe interesave të kombit, është urimi më i mirë për cdo demokrat por dhe për cdo shqiptar.

Gëzuar!?, shkruan Vokshi./CNA.al





Lajmet e fundit nga