web counter
LEXO PA REKLAMA!

SHKARKO APP

App Store
Google Play

E fundit!

x

Nga çizmet dhuratë tek shkuarja me presh në Kuvend/ Fjalimet më pikante të deputetit të Lushnjes

31 Dhjetor 2021, 15:30, Politikë CNA

Në foltoren e Kuvendit jemi mësuar që të dëgjojmë fjalime të artikuluara me fjalë të mëdha nga deputetët, por demokrati i Lushnjes, Saimir Korreshi ka sjellë ?gjuhën e popullit?.

Ai ka marrë vëmendje të madhe në publik që në fjalimin e tij të parë për shkak të stilit dhe gjuhës popullore që përdori, por edhe ?dhuratave? herë pas here për kolegët e tij.

Në daljen e tij të parë ai denoncoi gjendjen në spitalin e Lushnjes për të cilën ashtu me gjuhën popullore tha se ?ke frikë të mjekohesh të del miu nga këmbët dhe mos dish nga të vesh?.

Po të njëjtin shqetësim ai e ka ngritur disa herë ndërsa në një nga fjalimet e tij u shpreh: ?Kisha bërë gati një batutë para një jave, por ja ku po ta them sot. Ambulanca e Lushnjës ka djegur motor, tjetra është me sotokart të çarë, dhe nja katër të tjera janë për skrap, nuk ndizen fare?, tha ai. Korreshi shtoi  se në spitalin e Lushnjës mungon edhe tetanozi, që duhet ta blesh vetë ?nëse të kafshon ndonjë qen?.

Ndërsa në një fjalim tjetër të tij teksa ka folur për varfërinë që ka kapluar vendin, ai theksoi se familjet shqiptare nuk po sherbetosin bakllavanë, se kanë frikë se ua hanë fëmijët para Vitit të ri.

?Buxheti i shtetit shqiptar nuk e kalon Vitin e Ri, ashtu si gjeli i detit. Ky buxhet do ta lërë zi e më zi Shqipërinë, do të sjellë zi për familjet shqiptare, të cilat nuk po shërbetosin dot as bakllavanë, pasi kanë frikë se ua hanë fëmijët para Vitit të Ri. Më kujtohet koha kur mbanim mollët poshtë divanit se kishim hall se i hanim para kohe.?

Por Korreshi nuk ka goditur vetëm me fjalimet e tij, por dhe me orgjinalitetin që ka sjellë.

I dalë në mbështetje të fermerëve të Myzeqesë dhe protestës së tyre në lidhje me ndryshimet e paketës fiskale për vitin 2022 në fushën e bujqësisë, Korreshi solli në Kuvend kastravecë e presh për ministrat.

“Rrugës për në Parlament. Duke i sjellë produkte BIO qeverisë direkt nga fermerët e Myzeqesë”, shkruante  ai asokohe krah të fotos së publikuar në Facebook.

Ndërkohe që në një seancë tjetër ai solli një palë çizme dhuratë dhuratë për Ministren e Bujqësisë Krifcën.

Ai tha se çizmet në fakt ishin blerë nga disa fermerë të Lushnjes, në rast se ministres Frida Krifca do i binte rruga nga Lushnja.

?Kisha një shqetësim me bujqësinë. Disa fermerë më kanë ngritur disa probleme. Më kishin bërë dhuratë për ministren një palë çizme, por garda s?më lejoi. Në rast se të bie rruga ka dy probleme, e gjithë zona aty kanë të njëjtin problem, në vlerësimin e situatës për domaten ?ozgan f1?. Sipas ministrisë ka defekte në teknologji keni thënë, ky konkluzion nuk qëndron,?- tha Korreshi ndër të tjera./E.T-CNA.al

 





Lajmet e fundit nga