web counter
LEXO PA REKLAMA!

SHKARKO APP

App Store
Google Play

E fundit!

x

Sfidat e 2021/ Ambasadorja Kim uron shqiptarët, mesazhet e forta

31 Dhjetor 2021, 10:33, Politikë CNA

Ambasadorja e SHBA-së në Tiranë, Yuri Kim, ka uruar të gjithë qytetarët shqiptarë për Vitin e Ri, nëpërmjet një video-mesazhi ku ka përmbledhur sfidat me të cilat është përballur Shqipëria gjatë vitit 2021.

Ajo është ndalur tek reforma në drejtësi, tek krijimi i institucioneve të reja të drejtësisë, si dhe përballjen me pandeminë.

Në mesazhin e saj, Kim është shprehur se ngritja e SPAK dhe BKH ka dhënë rezultatet e para.

Theksin e vë tek Reforma në Drejtësi, për të cilën thotë ajo po ecën përpara.

Diplomatja amerikane është ndalur gjithashtu edhe te zgjedhjet e 25 prillit, teksa shprehet se OSBE-ODIHR hartoi një raport ku vuri në dukje mangësi dhe parregullsi.

?Të dashur miq, është e vështirë të besosh se vitit 2021 tashmë po i vjen fundi. Ishte padyshim një vit sfidash të jashtëzakonshme, ndërsa bota vazhdoi të përballej me pandeminë e COVID-19 dhe teksa Shqipëria vijoi rimëkëmbjen pas tërmetit të 2019-ës dhe u përball me përmbytjet dhe zjarreti e këtij viti. Pavarësisht këtyre dhe sfidave të tjera, Shtetete e Bashkuara dhe Shqipëria, jo vetëm festuan 30 vjetorin e rivendosjes së marrëdhënieve diplomatike, por dhe bëmë përparim historic drejt forcimit të demokracisë. Me krenari ju mbështetëm teksa ecët përpara në zbatimin e reformës në drejtësi, Gjykata Kushtetuese, pas tre vitesh përgjumjeje, filloi të funksionojë në fillim të këtij viti, duke iu bashkuar elementëve të tjerë të drejtësisë shqiptare, përfshirë SPAK dhe BKH. Falë përkushtimit të tyre, kemi filluar të shohim rezultate reale dhe pozitive në luftën kundër korrupsionit, krimit të organizuar dhe pandëshkueshmërisë.

Reforma në drejtësi nuk ka qenë e shpejtë apo e përsosur, por ajo ecën përpara duke sjellë më afër venditur që jutakon pranë Bashkimit Europian dhe SHBA-së. Qytetarët gjatë këtij viti ushtruan të drejtën demokratike për të votuar. Pas zgjedhjeve, OSBE-ODIHR hartoi një raport ku vuri në dukje mangësi dhe parregullsi, dhe ne mirëpresim që t?ju mbështesim në përpjekjet për tu përgjigjur rekomandimeve të ODIHR. Në emër të Ambasadës së SHBA, ju falenderojmë për vitin e mrekullueshëm që lamë pas së bashku dhe ju dërgojmë urimet më të mira për vitin që po vjen! Gëzuar Vitin e Ri?, thekson ambasadorja Kim në video-mesazhin e saj./CNA.al





Lajmet e fundit nga