web counter
LEXO PA REKLAMA!

SHKARKO APP

App Store
Google Play

E fundit!

x

Dështimi spektakolar me Shkollën e Drejtorëve

29 Dhjetor 2021, 20:29, Denoncim CNA

Në vitin 2017 Ministria e Arsimit dhe Fondi Amerikan i Zhvillimit bënë një marrëveshje për hapjen e Shkollës së Drejtorëve. Ky projekt do të certifikonte 2250 drejtorët për 10 vite në të gjitha institucionet e arsimit parauniversitar në Shqipëri.

Për këtë arsye u ndryshua dhe ligji i sistemit parauniversitar, sipas të cilit, asnjë drejtor shkolle nuk do të emërohej pa u certifikuar nga Shkolla e drejtorëve.

Emisioni ?Stop? ka parë sesi ka funksionuar për këto 4 vite kjo shkollë. Rigels Xhemollari nga Organizata ?Qëndresa Qytetare? shpjegon mangësitë në ligjin e ndryshuar posaçërisht për Shkollën e Drejtorëve. Në ligj sqarohen, nuk saktësohet, se çfarë ndodh me drejtorët, të cilët nuk arrijnë të certifikohen nga kjo shkollë.

?Shkolla e drejtorëve nuk ka detyrimin qoftë ligjor për të dhënë informacion sipas ligjit, por ka detyrimin moral pasi ka marrë përsipër një detyrë të lartë shtetërore për të certifikuar drejtuesit e shkollave ku mësojnë 500 mijë nxënës shqiptarë. Ajo që bie në sy është fakti që drejtorët pasi kalojnë certifikimin, provimin apo edhe trajnimin sipas këtij programi nuk dihet nëse rrijnë në sistem apo dalin nga sistemi nëse nuk certifikohen. VKM-ja në të cilën organizohet Shkolla e Drejtorëve ka një vakum. Vakumi është tek fati i drejtorëve që nuk marrin provimin. Pra nuk shprehet qartazi se çfarë ndodh me një drejtor i cili nuk merr provimin?, tha Xhemollari.

Edhe eksperti i arsimit Ndriçim Mehmeti, pikërisht këtë mangësi vë në dukje.

Në 4 vjet janë certifikuar gjithsej 175 drejtues shkollash, në një kohë kur projekti parashikonte që brenda 10 vjetësh të certifikoheshin 2250.

Stop evidenton edhe një tjetër shkelje: Përveç 175 drejtuesve të certifikuar, pjesa tjetër e drejtuesve, plot 2075 qëndrojnë në detyrë, pa plotësuar kriteret. Këtë anomali e përforcon edhe një raport i KLSH, që thotë, se 98% e stafit drejtues arsimor është i komanduar, në kundërshtim me ligjin, që lejon vetëm 6 muaj komandim.

?Në njohuritë e mia modeste në fushën e legjislacionit për atë që më intereson mbaj mend që në Ministrinë e Arsimit ka ndërhyrë Banka Botërore dhe thoshte që ju nuk mund të komandoni më shumë se 6 muaj sepse madje hyri në Kodin e Procedurës Administrative që 6 muaj komandohesh derisa të zgjidhet drejtuesi i ri, por do një vendim që të zgjidhet. Këtu nuk kemi një zgjedhje, por komandim dhe zgjat më shumë se 6 muaj, me vite?, tha eksperti Ndriçim Mehmeti./tvklan.al





Lajmet e fundit nga