web counter
LEXO PA REKLAMA!

SHKARKO APP

App Store
Google Play

E fundit!

x

Klani i inceneratorëve/ 100 milionë euro në pesë vjet, kryeson Bashkia Tiranë

15 Dhjetor 2021, 13:47, Politikë CNA

Aferat e inceneratorëve nuk kanë të sosur, në 5 vitet e fundit, kompanitë e lidhura me to kanë përvetësuar 100 milion euro publike, ndërsa pritet të shtohen deri në përfundim të kontratave. Në këtë grup përfshihen edhe shoqëritë me pronar zyrtar Klodian Zoton e Stela Gugalljan.

Nga SYRI TV

Grupi i kompanive private të lidhura me inceneratorët kanë marrë mbi 100 milionë euro publike në 5 vitet e fundit, ndërkohë që shifra pritet të jetë shumë herë më e lartë deri në përfundim të kontratave që ato kanë nënshkruar me institucionet qeveritare.

Në këtë grup përfshihen edhe shoqëritë me pronar zyrtar Klodian Zoton e Stela Gugalljan, të cilët janë shpallur në kërkim nga Prokuroria Speciale, në vijim të një hetimi të pjesshëm mbi atë që konsiderohet ?afera e inceneratorëve?. Kompania me përfitimet më të mëdha të fondeve buxhetore është ?Integrated Energy BV?, e cila ka fituar kontratën koncensionare për ndërtimin e landfillit dhe inceneratorit të përpunimit të mbetjeve në Sharrë të Tiranës.

Kompania është në pronësi të ?Geogenix?, një shoqëri e regjistruar në Amsterdam të Hollandës. Sipas Regjistrit të Pronarëve Përfitues, pronarët me më shumë se 25 përqind të aksioneve të kësaj kompanie janë tre shtetas italianë.

Megjithatë, ekzistojnë dyshime të forta publike, por që i ka edhe një Komision Parlamentar i ngritur së fundmi, se përfituesi kryesor është Klodian Zoto, i cili ka qenë drejtor i ?Integrated Energy BV?, kur kompania fitoi kontratën koncensionare për Sharrën, në vitin 2016.  Koncensionari i Sharrës ka përfituar, deri më tani, pagesa në vlerë totale mbi 45 miliardë lekë të vjetra nga Bashkia e Tiranës, e drejtuar nga Erion Veliaj.

Më tej, në vend të dytë në radhën e ?grupit të inceneratorëve? qëndron shoqëria ?Integrated Technology Waste Fier?, e cila ka fituar kontratën koncensionarë për ndërtimin e landfillit dhe inceneratorit në atë qytet. Shoqëria koncensionare zotërohet në 70 përqind nga ?Integrated Technology Service? në pronësi të Klodian Zotos dhe, prej fundit të vitit 2017 e në vijim ka arkëtuar afërsisht 38 miliardë lekë të vjetra nga Ministria e Infrastrukturës.

?Albtek Energy?, një prej kompanive të vendosura nën sekuestro së fundmi nga Prokuroria Speciale, ka arkëtuar rreth 35 miliardë lekë të vjetra. Shoqëria fitoi kontratën koncensionare për ndërtimin e inceneratorit të Elbasanit. Procedurat për këtë kontratë dërguan pas hekurave ish-ministrin e Mjedisit, Lefter Koka, ndërkohë që janë shpallur në kërkim Klodian Zoto dhe pronarja zyrtare e ?Albtek Energy?, Stela Gugallja.

Kompania e Klodian Zotos, ?Integrated Technology Service? ka përfituar, deri më tani, edhe rreth 6.2 miliardë lekë të vjetra të tjera, nga kontrata të tjera, të nënshkruara me Agjencinë Kombëtare të Mbetjeve për ndërtimin e landfillit të Sheristës në Vlorë, si edhe me Ministrinë e Infrastrukturës për rehabilitimin e lumit Ishëm, në Durrës.

Në total, ?grupi i inceneratorëve? ka përfituar deri në fund të vitit 2021 rreth 123 miliardë lekë nga buxheti i shtetit, ose rreth 100 milionë euro. Në këtë përllogaritje nuk janë përfshirë përfitimet publike nga një rrjet kompanish të tjera, të cilat janë të lidhura me ?grupin e inceneratorëve?.





Lajmet e fundit nga