E fundit!

22:00 Ekonomi

Mbiçmim i lekut?/ Zëvendësministri i Ekonomisë sqaron situatën

Zëvendësministri i Ekonomisë dhe Inovacionit, Enkelejd Mus...

Debate në Komisionin e Ekonomisë/ Braçe vijon ti marrë “detyrën” Bashës

15 Dhjetor 2021, 11:32, Politikë CNA

Deputeti socialist Erion Braçe, vijon të bëjë rolin e ?opozitarit?.

Gjatë mbledhjes së sotme në Komisionin Parlamentar të Ekonomisë, janë miratuar ndryshimet në buxhetin e shtetit, për vitin 2022.

Por prezantimi i ndryshimeve të buxhetit të vitit 2021, ka sjellë debate në Komision.

Deputeti Erion Braçe, duket se ka ndërmen ?t?i marrë detyrën? Lulzim Bashës, dhe ka vijuar të bëjë rolin e ?opozitës?, duke ngritur një sërë pikëpyetjesh.

?Në fund të nëntorit sa është realizimi i investimeve publike me financim të brendshëm dhe të huaj?

-Vlera e investimeve shkon në 1.4 miliardë dollarë, mund të më thoni nëse kjo shumë do të jetë e ezauruar deri në fund të vitit?

-Nëse investimet nuk realizohet çfarë do të ndodh me të ardhurat e parashikuara?

-Në fund të nëntorit në ca mase është realizuar deficiti? A parashikoni që deficiti të bjerë më poshtë se 6.9%?

– Sa është fatura e rindërtimit deri më tani dhe sa miliardë do na duhet për ta mbyllur plotësisht procesin e rindërtimit?

– Do të shtoni 1.7 mld lekë për MIE, mund të dimë se sa do të jetë vlera e detyrimeve në 31 dhjetor?

– Shtohen 800 mln lekë për Ministrinë e Shëndetësisë dhe Mbrojtjes Sociale, 500 mln lekë për pagesën e furnizimit me rapid test dhe 300 milionë lekë për shlyerjen e vendimeve gjyqësore referuar detyrimit të papaguar të indeksimit të aftësisë së kufizuar ndër vite. Kjo shifër i referohet blerjes së testeve të reja? Nëse është kështu a ka ndonjë plan qeveria do vazhdoni të paguani për ata që nuk vaksinohen, ne kemi shpenzuar para për blerjen e vaksinave blerjen e testit,ka ndonjë plan që të stimuloj vaksinimin dhe jo bërjen e testit javë për javë, për ata që janë të pavaksinuar dhe që e refuzoj vaksinimin?

Shtesë 340 milionë lekë për Ministrinë e Bujqësisë për skemën e fermerëve, për cilën skemë dhe në ça niveli do të mbështeten fermerët këtë skemë??, pyeti Braçe.

Dhe pasi nuk mori përgjigje për pyetjet e tij, për të cilart ministrja e Financave, Delina Ibrahimaj, tha se do t?i përgjigjej me shkrim, Braçe, tha se ka in-eficencë në përdorimin e parave publike.

?Të realizohen investimet me 53% në fund të nëntorit tregon in-eficencë totale të përdorimit të parasë publike. Bëjmë gjithë këtë sakrificë, mbledhim paratë dhe nuk i përdorim atje ku kanë nevojë njerëzit sepse kanë paguar taksa e tatime, kanë mbajtur edhe peshën e borxhit e të deficitit dhe të mos përdorim paratë publike. Për ju do jetë problem i madh sepse për të realizuar këto shpenzime do të paguani 60-70 miliardë lekë deri në fund të këtij muaj dhe kur inflacioni ka shkuar 3.1% imagjinojeni vetë sesa do të jetë ndikimi dhe ky është shqetësimi real i ngritur nga Banka e Shqipërisë dhe FMN-ja?, tha Braçe.

Gjithashtu Braçe është ndalur edhe tek pensionistët, ndërsa e cilësoi si të pamjaftueshëm bonusin e fundvitit.