E fundit!

10:40 Aktualitet

“Ndodhem në një luftë digjitale”/ Porositë e Ramës për socialistët

Kryeministri Edi Rama ka thirrur këtë të mërkurë në takim ...

Nga takimet në bazë tek mbajtja e Kuvendit/ Çfarë solli lëvizja e Berishës

10 Dhjetor 2021, 19:16, Politikë CNA

Lëvizja e njohur si ?Foltorja? nisi të jetësohej fill pasi kreu i PD, Lulzim Basha, vetëm një ditë para nisjes së legjislaturës së re të Kuvendit, mori vendimin personal dhe pa u konsultuar me anëtarësinë, për përjashtimin nga grupi parlamentar demokrat të liderit historik, Sali Berisha.

Ky veprim u prit me reagime të forta nga demokratët, ndaj dhe shumica e tyre vendosën të pozicionoheshin kundër tij dhe në krah të Berishës.

Ishte data 15 shtator kur ish kryeministri Sali Berisha, me anë të një njoftimi në rrjetin social Facebook, bëri me dije se nga e nesërmja e 16 shtatorit e në vijim, Foltorja me sloganin ?Për një Parti Demokratike më të bashkuar, më të fortë dhe më të hapur?, do të shkonte në pothuajse çdo cep të Shqipërisë për të takuar nga afër bazën e partisë dhe për të prekur problemet e tyre.

?Njoftim! Të dashur miq, ditën e enjte me datë 16 shtator ora 18:00 nisim ciklin e ?Foltores për një Parti Demokratike më të bashkuar, më të fortë dhe më të hapur?

Foltorja do të jetë një bashkëbisedim me demokratë dhe demokrate që nis në Tiranë dhe do udhëtojë në mbarë vendin. Jeni të mirëpritur! Sb?, shkruante Berisha.

Në pothuajse 3 muaj, lideri historik realizoi 27 Foltore në disa qytete kryesore të vendit, të cilat u pritën plot zjarr dhe mbështetje nga ana e demokratëve. Përgjatë këtij rrugëtimi Foltores iu bashkuan dy nga organet më të rëndësishme në PD, Lëvizja e Gruas dhe FRPD, organe të cilat Basha tentoi t?i uzurponte sapo mori vesh pozicionimin e tyre krah Berishës.

Ai vendosi të shpallte zgjedhjet në FRPD, me pretendimin se kryetarit i kishte mbaruar mandati, akt ky që solli zemërimin e shumicës demokrate.

Një sërë figurash të tjera, kontribues në PD ndër vite dhe mbështetës të Bashës, tashmë vendosen të shkëputen prej tij dhe t?i bashkohen ish kryeministrit, me shpresën se opozita e vërtetë do të mund të ringrihej pas 8 vitesh në heshtje.

Arben Ristani, Flamur Noka, Bujar Nishani, Edi Paloka, Klevis Balliu, Indrit Hoxha, Albana Vokshi, Belind Këlliçi, Oerd Bylykbashi, Luan Baçi, Lisandër Hoxha e shumë figura të tjera shprehën haptazi mbështetjen e tyre kundrejt Foltores.

Në krah të liderit historik, Sali Berisha u pozicionua edhe aktivistja shqiptare, Evi Kokalari.

Teksa Foltorja po kthehej dita ditës në shtëpinë e bashkimit të demokratëve, dy nga takimet që shenjuan këtë lëvizje ishin ai i 8 dhjetorit, në Ditën e Rinisë, në përkujtim të datës historike kur PD-ja po merrte jetë, si edhe Foltorja e mbajtur me demokratët në New Jersey.

Kjo mbështetje e cila nuk ishte parë më herët u finalizua me gati 5 mijë firma të demokratëve, të cilët binin dakord me mbajtjen e Kuvendit Kombëtar të Partisë Demokratike në datën 11 dhjetor.

Kjo lëvizje historike revolucionare siç e quan Berisha, pritet të shkundë opozitën dhe të emëruarit e Bashës dhe të rithemelojë një PD që i nevojitet vendit dhe demokratëve./CNA.al