E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Moviola e ndeshjes Partizani-Skënderbeu, këto ishin gabimet e arbitrit

7 Dhjetor 2021, 07:15, Sport CNA

Partizani-Skënderbeu u gjykua nga arbitri debutues në Superiore, Olsion Yzeiraj. Në këtë ndeshje pati disa kontestime, ku vlen të përmenden protestat e Skënderbeut për golin e anuluar. Kjo është mviola e analizuar nga ?Panorama Sport?:

? Tedi Cara shënon për Partizanin në minutën e 27-të, por konfirmimi i këtij goli kërkoi kohë nga arbitri. Arsyeja ishte se Musta në atë moment ishte në pozicion jashtë loje dhe çështja ishte nëse ai ka ndikuar te portieri, pavarësisht se nuk e preku sferën. Duke qenë se Musta nuk bën përpjekje për të mbërritur te topi por ulet për të mos penguar vijimin e aksionit, e bën vendimin e gjyqtarit të saktë.

-Në minutën e 34-t arbitri akordon një goditje dënimi në favor të Partizanit, në hyrje të zonës, pak centimetra nga vija e zonës së rreptësisë. Arbitri i VAR-it dyshon se faulli mund të kishte ndodhur brenda zonës dhe thërret kryesorin ta shohë në monitor. Pasi e shqyrton, arbitri anulon edhe faullin për Partizanin dhe me të drejtë ia jep sferën Skënderbeut pasi Belica ka prekur topin më dorë.

-Vangjel Zguro kryen një ndërhyrje të ashpër në minutën e 48-të, arbitri i kursen të verdhin e dytë, duke i kursyer kartonin e kuq anësorit të korçarëve.

-Në minutën e 54-t Skënderbeu shënon me Marën, pas devijimit të topit nga Zhan Viktor, ku qëndron edhe i gjithë problemi. Megjithëse te Skënderbeu arsyetojnë se lojtari i tyre e kishte prekur me pjesën e ijës topin, në pamjet e disponueshme duket se topi është devijuar me pjesën e bërrylit dhe rregullorja në këtë rast e konsideron faull, pavarësisht se Zhan Viktor e ka pasur dorën të mbledhur dhe brenda cilindrit të trupit. Arbitri fërshëlleu direkt pas këtij goli edhe pse më pas u konsultua me VAR-in.

-Në minutën e 80-të Emiliano Musta ndërhyn ndaj Berishës, i cili ishte gati të godiste, me intensitet dhe pa vëmendjen te topi. Në atë rast arbitri akordon menjëherë penallti dhe e ndëshkon lojtarin e Partizanit me karton të verdhë. Në këtë rast duhej dhënë karton i kuq për mbrojtësin e Partizanit, të cilin arbitri e kurseu, si për të ekuilibruar rastin e Zguros momente më parë.