LEXO PA REKLAMA!

SHKARKO APP

Foto- Verilindja mbulohet nga bora/ Ja, akset rrugore në të cilat mund të qarkullohet

30 Nëntor 2021, 08:30, Aktualitet CNA
Foto- Verilindja mbulohet nga bora/ Ja, akset rrugore në të cilat mund

Bora, në 24 orët e fundit,  ka zbardhur të gjithë verilindjen.

Për shkak të reshjeve të dëborës janë krijuar ngrica dhe vështirësi në rrugë, ku si pasojë qarkullohet vetëm me zinxhirë në akset rrugore Peshkopi-Maqellarë-Bulqizë. Bulqizë-Klos;  Klos-Qafë Murrizë.

Aksi rrugor Klos-Mat- është i hapur, aktualisht pa probleme.

Nisur nga situata e krijuar, shërbimet e Policisë Rrugore, njoftojnë se  nuk do të lejojnë kalimin e automjeteve në drejtim të bypass-it në rrugën e Arbërit dhe në Qafë Murrizë, as në gjitha ato akse rrugore në të cilat ka prezencë të dëborës, pa vendosur zinxhirët dhe gomat dimërore.

Policia Rrugore apelon për të gjithë drejtuesit e mjeteve që të rrisin kujdesin në rrugë gjatë kalimit në të gjitha akset rrugore, pasi ka prezencë të akullit e të dëborës, të vendosin rripin e sigurimit, të mos qarkullojnë me shpejtësi, të mos kryejnë parakalime dhe të mos drejtojnë mjetin nën ndikimin e alkoolit, të rrisin vigjilencën si dhe të shmangin qarkullimin e pa nevojshëm./CNA.al

Lajmet e fundit nga