web counter
LEXO PA REKLAMA!

SHKARKO APP

App Store
Google Play

“Nuk tallet kush me mua, jo më Telushi”, Magani: Lamë dy pikë, goli ynë i rregullt

22 Nëntor 2021, 19:40, Sport CNA

?Goli i anuluar? Nuk shikoj pozicion jashtë loje. Ajo quhet koha e lojës, lojtari jonë nuk është pozicion jashtë loje, nuk është Shtubina. Është e padrejtë, për mua është gol?, deklaroi Gugash Magani për emisionin ?Gol pas Goli? në Supersport.

Egnatia mori një pikë pas barazimit 1-1 me Dinamon, por trajneri i skuadrës rrogozhinase thekson se skuadra e tij la dy pikë, teksa kritikon Bruno Telushin për faktin që nuk zbatoi vendimin e tij dhe i la penalltinë e dytë Pero Augustos.

?Si rezultat teknik, unë mendoj se kemi lënë dy pikë sot, edhe pse kundërshtari ishte shumë i motivuar dhe i fortë. Në momente të ndryshme ata ishin superiorë, por në përgjithësi dominuan ne. I humbëm vetë dy pikët.

I përgëzova lojtarët për pjesën teknike dhe i kritikova ashpër për pjesën e disiplinës. Ndodh shpesh në futbollin tonë: lojtarë të veçantë u duket vetja se janë më të rëndësishëm se skuadra.

Për mua vlen grupi, e kam me Telushin. Ai është lider, por lejoi Pedro Augustën të godiste penalltinë, ndërkohë që kishim vendosur ndryshe.

Është hera e dytë që ky lojtar e bën këtë, do mbajmë qëndrimin tonë. Nuk mund të luajë kush me mua. Trajneri nuk futet në fushë, por insistova.

Atë nuk e bën djali im, jo më Telushi. Pedro është lojtar shumë i mirë, po ka karakter të brishtë. Pse u tërhoqëm pas golit? Nuk ishte direktiva ime të ktheheshim. Ishte edhe meritë e Dinamos që u tërhoqëm.

Është diçka që na është bërë si gangrenë, i patëm këto probleme edhe në ndeshjen e Kupës ndaj Kukësit?, përfundoi Magani.





Lajmet e fundit nga