LEXO PA REKLAMA!

SHKARKO APP

App Store
Google Play

Sekuestrohet 476 kg kokainë e pastër/ Arrestohet 38 vjeçari

10 Nëntor 2021, 15:41, Kosova & Bota CNA
Sekuestrohet 476 kg kokainë e pastër/ Arrestohet 38 vjeçari

Policia italiane ka sekuestruar 476 kg kokainë të pastër në Arezzo, ku në pranga ra një shqiptar, i cili ishte banues në Itali, por pa precedent të mëparshëm penal.

38-vjeçari shqiptar me iniciale E.C, po udhëtonte në autostradë me një kamion që tërhoqi vëmendjen e një patrulle policie, pasi po kryente manovra të rrezikshme, duke qarkulluar në mënyrë zig-zag dhe me një sirenë me dritë të verdhë të ndezur.

Më pas mjeti është ndalur nga patrullat e policisë rrugore, ku drejtuesi dhe pronari i kamionit është identifikuar si një 38-vjeçar shqiptar, banues në provincën e Firences.

Shqiptari u shfaq shumë i shqetësuar nga kontrolli i policisë rrugore. 400 pako të kokainës ishin fshehur në kamion dhe u gjetën pas kontrollit të policisë. 38-vjeçari u arrestua për veprën penale të trafikut të lëndëve narkotike, për sasi të konsiderueshme dhe u la në paraburgim.

Ndërkohë që një hetim ekonomik ka nisur tashmë për shqiptarin i cili është pronar i dy kompanive që operojnë në sektorin e ndërtimit. Sekuestrimi i kokainës rezulton të jetë më i madhi i kryer ndonjëherë në Arezzo dhe droga mund të kishte sjellë mbi 45 milionë euro nëse do të hidhej në treg.

Sipas mediave vendase, ky ishte një operacion që do të mbetet në histori./CNA.al

Lajmet e fundit nga