LEXO PA REKLAMA!

SHKARKO APP

Vettingu i politikanëve/ Basha: Ne e kemi hedhur hapin e parë

25 Tetor 2021, 16:30, Politikë CNA
Vettingu i politikanëve/ Basha: Ne e kemi hedhur hapin e parë

Vettingu në politikë është një nga tre pikat e propozuara nga Partia Demokratike.

Kryetari Lulzim Basha, gjatë fjalës së tij në Kuvend është shprehur se vettingu i politikanëve  është për të pastruar politikën nga të gjithë ayta që kanë abuzuar me fuqinë që u është besuar për përfitime personale.

Basha ka thënë se PD e ka bërë hapin e parë dhe askush nuk do t?i pengojë.

?Dhe propozimi i tretë, ai i Vettingut të politikanëve, që është edhe një nga mjetet që mund të adresojë më së miri prodhuesin e renditjeve që prezantova pak më parë, nëpërmjet pastrimit të politikës nga të korruptuarit dhe të lidhurit me krimin.

Pastrimin e politikës nga të gjithë ata që kanë abuzuar dhe abuzojnë me fuqinë që u është besuar për përfitme personale, duke braktisur interesin e qytetarëve, duke u kthyer ne pengesë të mirëqeverisjes dhe prodhues krizash që i shërbejnë vetëm një grushti të vogël njerëzish, që përfitojnë nga korrupsioni dhe mungesa e besimit që ai ngjall te aftësia dhe forca e njerëzve për të ndryshuar rendin e gjërave.

Ne e kemi hedhur hapin e parë. Jam i bindur që debati nuk do të mungojë. Jam po ashtu i binudr që kundërshtarët e egër të këtij propozimi janë ata që rrezikojnë qëndrimin në këtë sallë, apo në çdo karrige tjetër që mbajnë në emër të qytetarëve, për shkak të korrupsionit dhe lidhjeve të tyre me krimin. Por kjo nuk do të na pengojë.

Nuk do të na pengojnë as ata që opozitën e opozitës e kanë sport kombëtar, të cilët, pasi për tre dekada kanë lëshuar romuze kundër politikanëve, nëpër kafe apo emisione, e sot kanë zhvilluar empati dhe dhembshuri për politikanët që do të kalojnë sitën e vettingut?, ka thënë Basha./ CNA.al

Lajmet e fundit nga