web counter
LEXO PA REKLAMA!

SHKARKO APP

App Store
Google Play

E fundit!

x

"Më futi duart në fyt dhe më rrahu”/ Arratiset nga Shqipëria, suedezi që dhunoi të dashurën

29 Shtator 2021, 09:28, Kronika CNA

Gjykata e Sarandës, një ditë më parë ka aprovuar kërkesën e Prokurorisë për  ndryshimin e masës së sigurimit për shtetasin suedez Sebastian Lichota Buinski, 33-vjeç.

Ky i fundit dyshohet  se ka rrahur  shtetasen  suedeze Edith Lena Monique Bjornklev, 31-vjeç.

I dyshuari fillimisht i ishte lënë nën masën  ?detyrim paraqitje? dhe ?ndalim dhe detyrim i qëndrimit në një vend të caktuar?.

Por Buinski e ka thyer këtë masë dhe nuk është paraqitur në organin e akuzës, gjë që ka vënë në lëvizje Prokurorinë.

Pas kontrollimit të sistemit TIMS rezulton se i dyshuari është larguar jashtë vendit.

Tashmë ai është shpallur në kërkim, ndërkohë që në fuqi mbetet masa e ?arrestit me burg?, ndryshuar së fundmi.

Më datë 01.09.2021, rreth orës 21.00, pasi ka përfunduar frekuentimin në një restorant, çifti suedez ka frekuentuar shëtitoren e qytetit të Sarandës, ku gjatë së cilës midis tyre ka nisur një debat me bazë xhelozie.

Në vijim çifti suedez është kthyer në apartamentin e marrë me qira, apartament ky i gjendur ?në një pallat të gjendur përballë restorant ?L?.?.

Por edhe këtu debati ndërmjet të dashuruarve ka vijuar më tej, debat i degjeneruar më vonë në veprime dhunë fizike që shtetasi suedez Sebastian Lichota Buinski ka ushtruar ndaj të dashurës së tij, shtetases suedeze Edith Lena Monique Bjornklev, çaste për të cilat, në kallëzimin e saj të datës 01.09.2021, ora 22.40, raportojnë mediat.

Kjo e fundit thekson ?sa hymë brenda në apartament, i dashuri im e mbylli portën dhe më shtyu mua, më kapi nga fyti me të dy duart dhe më shtyu mbrapsht deri në krevat, më shtriu në krevat me forcë, më hipi sipër, duke mos i hequr duart nga fyti dhe unë nuk merrja dot frymë. Me njërën dorë mori jastëkun dhe më zuri frymën?.

Por me kaq veprimet e shtetasit suedez Sebastian Lichota Buinski janë ndërprerë, çaste për të cilat, në kallëzimin e saj, shtetësja suedeze Edith Lena Monique Bjornklev thekson ?duke parë që unë po humbisja ndjenjat i dashuri më la të lirë dhe mori telefonin dhe më mbylli në dhomë dhe unë nuk kisha nga të dilja?.

E gjendur në këtë situatë, nga ballkoni i apartamentit, shtetësja suedeze Edith Lena Monique Bjornklev ka kërkuar ndihmë, rrethanë për të cilën qytetarë anonimë kanë njoftuar Sallën Operative të Komisariatit të Policisë Sarandë.

Të njoftuar për ngjarjen sa më sipër, forcat e policisë kanë mbërritur në aprtamëntin ku ish akomoduar çifti suedez, duke bërë shoqërimin e tyre në Komisariatin e Policisë Sarandë, ku shtetësja suedeze Edith Lena Monique Bjornklev është kontaktuar nga Oficeri i Policisë Gjyqësore pranë këtij komisariati, para të cilit ajo ka parashtruar kallëzim penal./CNA.al





Lajmet e fundit nga