E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Omega 3 për një shëndet më të mirë/ Ja këshillat që duhet të ndjekim për ta përfituar

15 Shtator 2021, 11:04, Lifestyle CNA

Për të pasur një dietë të shëndetshmë ushqimore, me patjetër duhet të përfshijmë acidet yndyrore omega-3 . Për të pasur një shëndet të mirë të zemrës dhe jo vetëm, sipas AgroËeb.org, sugjerohet konsumi i rregullt i ushqimeve të pasura me omega-3. Ndër të tjera konsumi I rregullt i tyre ul rrezikun e vdekjes së parakohshme nga sëmundjet e zemrës.

Cilat janë disa nga këshillat që duhet të ndjekim për të përfituar më shumë Omega-3 ?

Peshqit e rritur në ujëra të ftohta siç janë salmoni, sardelet, trofta, skumbria dhe harenga përmbajnë nivelet më të larta të acideve yndyrore. Gocat e detit, midhjet dhe gaforret përmbajnë gjithashtu sasi të mëdha të acideve yndyrore omega-3.

Shumë e rëndësishme është edhe gatimi i peshkut në mënyrën e duhur. Kjo do të thotë që pjekja, zierja ose zgara duke përdorur erëza, barishte dhe lëng limoni është mënyra më e mirë për të gatuar peshkun. Një këshillë e vlefshme e AgroËeb.org është se duhet të zgjedhim vajin e ullirit për gatim. Nëse përdorim gjalpë, peshku nuk do të sjellë asnjë përfitim, shkruan CNA.al

Acidet yndyrore të Omega 3 ulin nivelet e larta të triglicerideve, dhe kjo na ndihmon te ulim rrezikun për tu prekur nga sëmundjet e zemrës.

Omega-3 rrit efektivitetin e barnave anti-inflamatore, të cilat ndihojne njerzit me reumatizëm.

Studimet kanë zbuluar se personat që konsumojnë ushqime me nivele të larta të omega-3 kanë nivele të ulëta të depresionit. Vaj i peshkut, apo acidet yndyrore omega 3 rrisin efektet e barnave kundër depresionit dhe mund të ndihmojnë kundër simptomave depresive të çrregullimit bipolar.

Omega 3 është shumë i rëndësishëm për zhvillimin vizual dhe nervor te fëmijët e vegjël.

Disa studime kanë treguar se omega-3 ndihmon në mbrojtjen kundër sëmundjes Alzheimer dhe sklerozës dhe ka një efekt pozitiv në humbjen graduale të kujtesës, që lidhet me plakjen./CNA.al