web counter
LEXO PA REKLAMA!

SHKARKO APP

App Store
Google Play

Aeroporti Ndërkombëtar i Vlorës/ Balluku jep lajmin e mirë, çfarë pritet të ndodhë

26 Gusht 2021, 12:52, Aktualitet CNA

Ministrja e Infratrukturës dhe Energjisë, Belinda Balluku ishte e pranishme sot në Mbledhjen Speciale të 70-të të Drejtorëve të Përgjithshëm të Aviacionit Civil të Konferencës Evropiane të Aviacionit Civil (ECAC), me pjesëmarrjen e 44 shteteve anëtare dhe disa organizatave të rëndësishme.

Gjatë fjalës së saj, ministrja Balluku është ndalur edhe tek ndërtimi I Aeroportit Ndërkombëtar të Vlorës.

Ajo bëri të ditur se në nëntor do të nisin punimet në terren për ndërtimin e aeroportit ndërkombëtar të Vlorës, që do të jetë një nga aeroportet ndërkombëtare më të mëdha në Shqipëri.

Kjo pasi, sipas ministres, ky aeroport nuk do të jetë vetëm për transport qytetarëve, por do të ofrojë edhe shërbimet cargo dhe të mirëmbajtjes së avionëve duke i dhënë sektorit të aviacionit në Shqipëri një hov të ri.

Ne ndërkohë që pandemia nuk kishte fund kishim nisur një garë ndërkombëtare për aeroportin më të madh ndërkombëtar në Shqipëri, atë të Vlorës, porta për në jug të vendit.

Pas shumë studimesh vendosëm të hapim këtë garë për të ngritur aeroportin më të madh ndërkombëtar në Shqipëri që nuk do të mbulojë vetëm fushën e aviacionit dhe transportit të pasagjerëve. Por edhe shërbimet kargo dhe ato të mirëmbajtjes së avionëve, Duke i dhënë këtij sektori një hov të ri, Pavarësisht se gara u shty disa herë për shkak të pamundësisë për të garuar. Kompania fituese ka deklaruar se në muajin nëntor do të fillojnë punimet në terren. Pra fillon kantieri nga ndërtimi?, tha Balluku./CNA.al





Lajmet e fundit nga