Largime të tjera surprizë/ Deputetët që ndërkombëtarët i kanë skeduar si “të papranueshëm” për në Parlament

25 Gusht 2021, 16:32, Aktualitet CNA

Kryeministri Edi Rama doli sot në një konferencë për mediat ku njoftoi se Qeveria e re e Shqipërisë do të mësohet javën e ardhshme, ndërkohë që në shtator pritet të nis dhe sesioni i ri parlamentar.

Janë 140 deputetë që do të betohen në Kuvendin e ri të Shqipërisë, ku PS do të ketë shumicën 74 mandate, PD 59, LSI 4 dhe PSD 3.

Nga ana tjetër, ndërkombëtarët kanë bërë thirrje që disa emra nuk duhet të ulen në Kuvendin e ri.

Një ndër ta ishte dhe lideri historik i PD, ish-kryeministri dhe ish-presidenti Sali Berisha.

Ambasadorja amerikane në Tiranë, Yuri Kim, i bëri ?presion? PD të përjashtojë ish-kryetarin e saj nga deputetët e grupit të ri parlamentar, të dalë nga Zgjedhjet Parlamentare 2021.

Kërkesa e SHBA erdhi pas vendimit të Departamentit Amerikan të Shtetit, (DASH) për shpalljen e Berishës “Non-Grata?.

Megjithësë vetë Berisha ka deklaruar me siguri të plotë që do të jetë në Kuvend, me thirrjen e Yuri Kim nuk dihet se çfarë mund të ndodhë.

Ndërkohë që më herët, menjëherë pas shpalljes së rezultatit të zgjedhjeve, kreu i Social Demokratëve, Tom Doshi la mandatin e deputetit.

Megjithëse u përfol si dorëheqje, me shumë gjasa ky vendim erdhi pas ?presionit? të SHBA, ndërsa vetë ambasadorja Yuri Kim kish kërkuar që të mos kandidojë duke kujtuar që DASH e kishte futur në ?listën e zezë?.

Nga ana tjetër, kryeministri Rama bëri edhe një ?surprizë? sot, largimin e Najada Çomos.

Rama tha se vendimi i mjekes është marrë pas rritjes së rasteve të prekur nga varianti Delta.

?Jam i prekur nga komunikimi me doktoreshën Najda Çomo, më kërkoi të pranoja tërheqjen e saj nga roli i deputetes duke ndjerë shumë të fortë detyrimin për të mos u ndarë nga ekipi i saj fantastik, kur Delta nisi të mbushë shtretërit e terapisë intensive?, ishte deklarata e Kryeministrit.

Por shtatori dhe konstituimi i Kuvendit do edhe disa ditë, gjë që nuk mund të përjashtojë edhe surpriza të tjera, ndërkohë që duket se politika shqiptare është edhe nën presionin e vazhdueshëm të ambasadës së SHBA.

Kujtojmë që pak javë më parë, ambasadorja e SHBA, Yuri Kim, u la dhe porosi Ramës e Bashës të rishikojnë listat, para nisjes së pushimeve, duke nënkuptuar kështu, se ka ende emra që mund të rrezikojnë.

?Nxisim udhëheqësit që të kthehen me vendosmëri të ripërtërirë për të punuar fort në emër të popullit shqiptar. Kjo do të kërkojë ndryshim, vizion si dhe udhëheqësi të vërtetë për të çrrënjosur krimin dhe korrupsionin në mënyrë që secili të ketë një mundësi të drejtë dhe një të ardhme më të mirë.

Do të kërkojë që Edi Rama, Lulzim Basha, si dhe udhëheqës të tjerë të kontrollojnë listat edhe njëherë për t?u siguruar që kur të kthehen në parlament, njerëzit të mund të jenë krenarë për përfaqësuesit e tyre.?, thuhej ndër të tjera në deklaratën e ambasadores./CNA.al