Katastrofa mjedisore/ Si gënjeu Rama, për të çuar paratë te mafia e inceneratorëve

25 Gusht 2021, 11:48, Politikë CNA
Katastrofa mjedisore/ Si gënjeu Rama, për të çuar

Kryetari i Partisë Demokratike, Lulzim Basha ka reaguar pas fjalës së kryeministrit Edi Rama, i cili ndër të tjera kritikoi ministrin Klosi për situatën e mbetjeve, gjatë sezonit turistik.

Në një postim në rrjetet sociale, Basha shkruan se Rama përsëriti mashtrimet e vjetra.

?Asgjë e re nga përsëritja e mashtrimeve të vjetra. Plehrat digjen në kriza mjedisore të stisura për të çuar taksat e qytetarëve te mafia e inceneratorëve, krimi gëlon prej ortakërisë me pushtetin, korrupsioni që ka kapur shtetin është i përhapur në cdo qelizë të qeverisë, varfëron dhe largon shqiptarët, të braktisur edhe në kohë pandemie me numrin më të lartë të vdekjeve në raport me popullsinë në Europë dhe paketat më të vogla ekonomike në kontinent, integrimi në të cilin mbahet peng nga dështimet e njëpasnjëshme.

Ky është bilanci real i një regjimi që masakron zgjedhjet vetëm për të vjedhur familjet shqiptare. Autorët e tij duhet të ishin përpara drejtësisë për atë që u kanë bërë Shqipërisë dhe shqiptarëve në këto 8 vite, jo duke përrallosur për arritje imagjinare.

PD është e angazhuar për të sjellë ato zgjidhje që masakra e 25 prillit u mohoi qytetarëve, sepse asgjë e mirë nuk mund të vijë nga një e keqe e vjetër që e ka bërë Shqipërinë të pajetueshme për fëmijët tanë.?-shkruan Basha./CNA.al

Lajmet e fundit nga