LEXO PA REKLAMA!

SHKARKO APP

Si e përhapin të vaksinuarit variantin Delta?/ Ja çfarë thotë shkenca

18 Gusht 2021, 07:32, Blog CNA
Si e përhapin të vaksinuarit variantin Delta?/ Ja çfarë

Nga Nidhi Subbaraman ?Nature?

Kur të dhënat e hershme nga terreni treguan se vaksinimi i njerëzve e zvogëlon transmetimin e virusit SARS-CoV-2, studiuesit ishin optimistë të kujdesshëm. Ata paralajmëruan se shumë nga studimet në fjalë, edhe pse shumë premtuese, ishin kryer para se varianti Delta,që është shumë më infektiv,të përhapej me shpejtësi në mbarë botën.

Të dhënat e testeve për Covid-19 në Shtetet e Bashkuara, Britaninë e Madhe dhe Singapor po tregojnë se njerëzit e vaksinuar që infektohen me variantin Delta, mund të bartin po aq ngarkesë virale në hundë sa edhe njerëzit e pa vaksinuar.

Kjo do të thotë që pavarësisht mbrojtjes së ofruar nga vaksinat, një pjesë e njerëzve të vaksinuar mund t?ia transmetojnë të tjerëve Delta-n, duke ndihmuar ndoshta në përhapjen e shpejtë të tij.?Njerëzit që janë prekur nga varianti Delta dhe që kanë infeksione ?të përparuara? mund të bartin nivele vërtetë të larta të virusit, dhe mund ta përhapin atë pa dashje tek të tjerët?-thotë Dejvid O?Konor, virolog në Universitetin Uiskonsin-Medison, SHBA.

Por të dhënat mbi transmetimin e variantit Delta tregojnë se ?njerëzit që janë të vaksinuar, duhet të marrin sërish masa paraprake mbrojtëse?, thotë O?Konor. O’Connor dhe kolegët e tij analizuan infeksionet në shtetin e Uiskonsinit në muajt qershor dhe korrik.

Ekipi përdori testet PCR (tamponët), të cilat përdoren gjerësisht për të konfirmuar infeksionet me Covid-19, për të vlerësuar përqendrimin e virusit në mostrat e sekrecioneve të hundës.

Numri i cikleve të shumëfishimit – një masë e quajtur vlera e pragut të ciklit ose Ct – shërben si një përfaqësues i përqendrimit viral në mostër. Sa më i ulët të jetë Ct i një mostre, aq më shumë material gjenetik viral është i pranishëm në të.

Në një studim të botuar në revistën ?medRxiv? më 11 gusht, studiuesit krahasuan vlerat e Ct për 719 persona midis datave 29 qershor dhe 31 korrik, gjatë së cilës 90 për qind e 122 mostrave të koronavirusit që ata sekuencuan i përkisnin variantit Delta.

Nga 311 njerëzit e vaksinuar që rezultuan pozitivë ndaj SAR-CoV-2 në atë grup, shumica kishin vlera të Ct më pak se 25, një nivel ku studiuesit presin praninë e SARS-CoV-2. Për ta konfirmuar këtë, ekipi kultivoi 55 mostra që kishin vlera Ct më pak se 25, nga njerëz të vaksinuar dhe të pa vaksinuar. Ata zbuluan sasi të virusit që ishte në gjendje të infektonte të tjerët thuajse tek gjithsecili prej tyre. Shumica e njerëzve të pa vaksinuar, kishin gjithashtu vlera të Ct nën këtë nivel.

Edhe të dhënat nga Provinstaun, Masaçusets, sugjerojnë gjetje të ngjashme. Një raport i këtij muaji nga Qendrat Amerikane për Kontrollin dhe Parandalimin e Sëmundjeve (CDC), tregoi se pas tubimeve të mëdha në plazhe, gati 3/4 e 469 rasteve të reja me Covid-19 ishin persona të vaksinuar.

Si të vaksinuarit ashtu edhe të pa vaksinuarit kishin vlera relativisht të ulëta të Ct, duke treguar praninë e ngarkesave virale të larta, dhe nga 133 mostrat e renditura, 90 për qind e tyre u identifikuan si Delta.

Këto gjetje e nxitën CDC që të përditësonte udhëzimet e saj më 27 korrik, dhe të rekomandonte sërish që njerëzit në zonat me transmetim të lartë të virusit të mbajnë maska ?në ambientet e ?brendshme.

Në Hjuston të Teksasit, ku një ekip i Spitalit Metodist ka renditur dhe regjistruar variantet e SARS-CoV-2 për thuajse çdo rast, rreth 17 për qind e rasteve me variantin Delta i përkasin njerëzve të vaksinuar që nga marsi 2021, ose 3 herë më shumë përparimtare në krahasim me të gjitha variantet e tjera të marra së bashku.

Ekipi i tij zbuloi se nivelet e Ct ishin të ngjashme si tek njerëzit e vaksinuar po ashtu edhe tek ata të pa vaksinuar. Sidoqoftë, personat që janë të vaksinuar dhe që preken nga varianti Delta mund të mbeten infektues për një periudhë më të shkurtër, sipas studiuesve në Singapor të cilët gjurmuan ngarkesat virale për çdo ditë të infeksionit COVID-19 midis njerëzve që ishin dhe nuk ishin vaksinuar.

?Duke pasur parasysh nivelet e larta virale të para te varianti Delta, masa të tilla si mbajtja e maskave ??dhe higjiena e duarve që mund të zvogëlojnë transmetimin, janë të rëndësishme për të gjithë, pavarësisht nga statusi i vaksinimit?- thotë bashkautori i studimit Barnabi Jang, klinicist i sëmundjeve infektive në Qendrën Kombëtare për Sëmundjet Infektive në Singapor./CNA.al

Lajmet e fundit nga