web counter
LEXO PA REKLAMA!

SHKARKO APP

App Store
Google Play

E fundit!

x

Ramës i del situata jashtë kontrollit/ Kryeministrit i “ikën zëri”

13 Korrik 2021, 10:18, Politikë CNA

Kryeministri Edi Rama ka pasur një sërë daljesh mediatike gjatë ditëve të fundit. Takime me drejtuesit e policisë, takime me kryebashkiakët, etj.

Në fakt duket sikur jemi në fushatë zgjedhore, nëse do të shikonim daljet e shpeshta mediatike të kryeministrit.

Por, ?lepuri fle? diku tjetër dhe mesa duket Ramës po i del situata nga kontrolli.

Së pari duhet vënë theksi tek situata kriminale në vend, vrasje aksidente kanë marrë jetë qytetarësh, a thua se jemi në luftë.

Nga ana tjetër janë edhe abuzimet me tenderat dhe operacionet e SPAK. Nëntë të arrestuar në Ministrinë e Brendshme, mes të cilëve edhe drejtoresha e shkarkuar nga detyra vetëm një javë para arrestimit. Gjë që në fakt ngre dyshime të forta, se Rama mund të ketë qënë në dijeni të operacionit të SPAK.

Po ashtu abuzimet me tenderat që çuan në pranga ish-kryebashkiakun e Lushnjes. Rama e përjashtoi nga PS dhe tentoi të lajë duart, edhe pse gjithçka është vetëm një tentativë për t’iu hedhur hi syve qytetarëve. Sepse Rama nuk mund t’i bëjë për budallenj qytetarët shqiptarë dhe mund të thotë ?nuk di unë ç’bëhet në shtëpinë time?.  Personat e arrestuar, janë vërtetë ?cironka? dhe jo ?peshqit e mëdhenj? që shqiptarët presin ti shohin përballë drejtësisë, por ama janë njerëz të mbështetur dhe suportuar prej tij.

Nëse do ti referoheshim rastit të Lushnjes, Fatos Tushe është zgjedhur për tre mandate rrjesht kryebashkiak, nën siglën e Partisë Socialiste, ku kryetar është Edi Rama.

Ndërsa abuzimi në Ministrinë e Brendshme, ku dëmi është dhjetëra ndoshta edhe qindra milionë euro, sërish Rama nuk mund të thotë ?unë nuk e dija çbëhet?. Në kohën e abuzimit me këtë tender ministër ishte një tjetër person i zgjedhur dhe mbështetur nga Edi Rama, Sandër Lleshaj. Edhe pse ky i fundit ka tentuar të heqë çdo përgjegjësi nga vetja.

Nga ana tjetër është edhe dosja e inceneratorëve, ajo që mund të quhet afera korruptive e shekullit. Në media ka pasur mjaft denoncime, po ashtu edhe nga politika. Për këtë çështje ka edhe një denoncim në SPAK.

Pra, duket se Ramës po i del situata nga kontrolli, gjë që u tregua qartë edhe sot në daljen mediatike të kryeministrit.

Rama doli sot në një konferencë, ku prezantoi paketën e re të prokurimeve publike, por detaji që tërhoqi vëmendjen ishte se duket se kryeministrit i ka ?ikur zëri?.

Ndryshe nga sa jemi mësuar ta shohim Ramën, të ngrejë zërin apo të jetë arrogant edhe me mediat, sot pamë një kryeministër të ?zbutur?.

Rama foli me tone mjaft të bota, me zë thuajse të mekur, a thua se ishte në një rast vdekje dhe jo në një konferencë live.

Në fakt ndoshta është vërtetë një rast ?vdekje? për kryeministrin. Një vdekje e propagandës boshe dhe show në media, për t2i hedhur hi syve qytetarëve./CNA.al

?Keni 100 ditë kohë?/ Rama ultimatum drejtuesve të Policisë

Rama pranon dështimin/ Perceptimi për tenderat, pamje madhështore për nga negativiteti





Lajmet e fundit nga