E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Basha tallet me demokratët/ Ndryshime fasadë në statut, nuk prek karrigen

13 Korrik 2021, 09:22, Politikë CNA

Kryetari i Partisë Demokratike, Lulzim Basha, pas humbjes së zgjedhjeve të 25 prillit, edhe pse premtoi ?beteja? të mëdha kundër regjimit Rama-Doshi, sikurse e cilëson ai qeverisjen e Rilindjes, në fakt duket se betejen më të madhe e ka, të vijojë të mbajë karrigen e kryetarit të PD-së, me çdo kusht.

Në vend të bënte një analizë të asaj çfarë ndodhi në 25 prill, të analizonte shkaqet e humbjes, dhe të mbante përgjegjësinë e tij, Lulzim Basha shpalli një datë zgjedhjesh të brendshme të nxituar, dhe vetë garoi duke qënë në postin e kryetarit.

Në 13 qershor, PD zhvilloi zgjedhjet për kryetar, ku gara u zhvillua në kushte aspak të barabarta, ashtu sikurse është raportuar nga CNA.al, gjithë procesi u shoqërua me jo pak rregullsi. (Lexo këtu)

Kështu Basha arriti të mbante karrigen e kryetarit të PD-së, edhe pse me një humbje të madhe votash, në krahasim me katër vite më parë.

Basha e kreu ?misionin? e tij dhe arriti të mbajë karrigen, por humbi mbi 30 mijë vota të demokratëve, krahasuar me votimin e 2017. (Lexo këtu)

Më tej, ai vijoi talljen me demokratët, ndërsa nxori edhe një udhëzim qesharak, për të gjithë demokratët, lidhur me zgjedhjet e 25 prillit.

Këtë udhëzim Basha e miratoi në Kryesinë e PD-së dhe më pas Sekretari i Përgjithshëm Gazment Bardhi e ka shpërndau tek drejtuesit politikë të qarqeve dhe te degët e partisë.

Por në këtë udhëzim Basha është tallur me demokratët, pasi ai nuk po i lejon ata të bëjnë as analizë.

Ai e ka ndarë mendjen për masakër zgjedhore, vetëm e vetëm që të justifikojë karrigen e tij të kryetarit. (Lexo këtu)

Por, ndërkohë në datën 17 korrik, Partia Demokratike pritet të mbledhë Kuvendin Kombëtar, gjë që duket të jetë farsa dhe tallja e radhës me demokratët.

Një ditë më parë, në media u publikuan 11 propozimet e Lulzim Bashës, për ndryshimet në statutin e PD.(Lexo ketu)

Ajo që vihet re në propozimet e Bashës, është fakti se në asnjë prej pikave nuk përmendet mandati i kryetarit. Pra, Lulzim Basha edhe nëse vijon tiu shkaktojë humbje të njëpasnjëshme demokratëve, duket se nuk ka ndërmend të lëshojë karrigen e kryetarit.

Pra, Basha ka propozuar disa ndryshime fasadë, por karrigen nuk e prek./CNA.al