web counter
LEXO PA REKLAMA!

SHKARKO APP

App Store
Google Play

E fundit!

x

Rama shpërblen kryebashkiakun e shkarkuar/ Zbulohen tenderat

12 Korrik 2021, 10:18, Politikë CNA

Deputeti i Zgjedhur i Partisë Demokratike, Belind Këlliçi akuzon kryeministrin Edi Rama se ka ndërtuar modelin e abuzimit me tenderat në Shqipëri.

Në një deklaratë për mediat, Këlliçi e cilësoi si propagandë të gënjeshtërt, takimin që Rama zhvilloi disa ditë më parë me kryebashkiakët.

Ai risolli në vëmendje ish-kryebashkiakun e Vorës, Agim Kajmaku, për të cilin tha se Rama vijon ta shoërblejë me tendera.

?Ndoqëm përpjekjen e radhës të Edi Ramës për t?u hedhur hi syve qytetarëve shqiptarë, me propagandën e gënjeshtërt dhe hipokrite përballë të emëruarve të tij në pushtetin vendor.

Por tashmë shumica dërrmuese e qytetarëve e dinë mirë se ajo që Rama bën dhe ajo që Rama thotë, nuk kanë lidhje me njëra-tjetrën.

Sot Partia Demokratike do të sjellë një provë për të dëshmuar edhe një herë, se sevdaja e madhe e Ramës për antikorrupsionin është një lojë që konsumohet para kamerave, ndërsa kur ato shuhen vazhdon vjedhjen e taksave të shqiptarëve me bandën e tij të plaçkitësve.

Të gjithë e mbani mend Agim Kajmakun.

Të emëurarin nga Edi Rama në krye të Bashkisë së Vorës, që humbi mandatin sepse shkeli ligjin e dekriminalizimit dhe ndërsa ishte në arrati, midis viteve 2019 dhe 2020, fitonte miliona lekë tendera.

Sot Agim Kajmaku vazhdon të shpërblehet nga Edi Rama.

AME 2020 sh.p.k., në pronësi të Kajmakut, ka përfituar 2 tendera. Një nga nga OSHEE sh.a me objekt ?Mirëmbajtje e ambienteve të brendshme dhe taracës për OSHEE Group sh.a dhe për Drejtorinë Rajonale Tiranë / OSSH sh.a?, me vlerë 61,136 euro. Oferta më e lartë!

Dhe një tjetër nga Bashkia Fier me objekt ?Blerje lule dekorative?, me vlerë 16,279 euro. Edhe ky tender me ofertën më të lartë! ?-tha Belind Këlliçi.

Sipas tij, korrupsioni dhe bashkëpunimi me krimin janë modeli me të cilin Edi Rama ka shkaktuar rrënimin e përditshëm të ekonomisë së çdo familje, duke nxitur largimin masiv e të rinjve shqiptarë./CNA.al





Lajmet e fundit nga