LEXO PA REKLAMA!

SHKARKO APP

Samiti franko-gjerman/ Merkel u bën apel tifozëve: Kujdes në stadiume, COVID-19 nuk ka ikur

19 Qershor 2021, 10:16, Kosova & Bota CNA
Samiti franko-gjerman/ Merkel u bën apel tifozëve: Kujdes në

Kancelarja gjermane, Angela Merkel dhe presidenti francez Emmanuel Macron u bënë thirrje të premten tifozëve që të bëjnë kujdes kur mbushin stadiumet për kampionatin evropian, pasi pandemia përbën ende rrezik.

Angela Merkel tha se pavarësisht rënies së rasteve të infektimeve, nuk mund të veprojmë sikur epidemia të ketë marrë fund.

?Nuk mund të sillemi sikur COVID-19 është zhdukur, edhe pse në mbrëmje vere si këto, duket sikur ka ikur. Mund të merrni shembullin e Lisbonës për të parë sa shpejt ndryshojnë gjërat?, u shpreh Angela Merkel.

Për Turqinë, Angela Merkel tha se u takua me presidentin Erdogan gjatë samitit të NATO-s dhe të dyja palët e dinë që kanë sfida të mëdha përpara.

?Nga njëra anë kemi dallimet, nga ana tjetër kemi nevojë për njëri-tjetrin nëse duam të zgjidhim disa probleme së bashku?, vijoi kancelarja gjermane.

Ajo shtoi se këto probleme janë emigracioni, e ardhmja e Libisë dhe ajo e Sirisë./euronews

Lajmet e fundit nga