E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Harxhi shpalos platformën e saj/ “Do të bëjë ndryshime në statut duke ringritur strukturat”

7 Qershor 2021, 18:20, Politikë CNA

Kandidatja për kryetare të Partisë Demokratike Edith Harxhi ka zhvilluar një takim me strukturat në Kavajë. Nga aty, Harxhi ka deklaruar se të gjithë e dinë për marrëdhënien e ngushtë që ka pasur me ish kryeministrin Sali Berisha, ndërsa shton se PD duhet ti rikthehet antarësia.

Teksa deklaron se ende ka seli të PD që mbajnë foton e liderit historik Sali Berisha dhe të kryetarit Lulzim Basha në zyra, Harxhi është treguar e prerë nga Kavaja, duke thënë se ka ikur ajo kohë kur partia është e privatizuar nga drejtuesi.

?Ka disa seli të PD që kanë vetëm fotografinë e liderit historik kanë të tjera që kanë foton e Bashës. Ju e dini marrëdhënien e ngushtë që kam pasur me Berishën. Ka ik koha që ne vëmë fotografi liderësh në zyra, privatizimi i partisë nga lideri ka mbaruar. Ska më parti ku ne të kemi kultin e individit aty përballë. Ky është fundi tranzicionit për Shqipërinë dhe për Pd. Duhet ti kthejmë partinë anëtarësisë. Zgjedhjet në të githa strukturat duke përfshirë të degës?, tha ajo.

Nëse fiton zgjedhjet Harxhi thotë se do të bëjë ndryshime në statut, duke ringritur strukturat dhe bërthamat.

?Ne sot kemi ngelur një parti që nuk shohim as partinë, listat i bën kryetari. Partia duhet të ketë disa ndryshime statutore. Statuti i PD nuk eshte i regjistruar në gjykatë sepse përtojnë dhe ta regjistrojnë në gjykatë ndonëse kjo është e detyruar. Duhet të ketë ndryshime statutore.

Në 8 vjet kemi kohë me e bë PD si Partia Republikane e Amerikës. Ne mund ta kishim ringrit në këto 8 vite në mënyrë spektakolare, këtë ofroj unë. Duhet ta bashkojmë partinë, të sjellim në parti të gjitha kontributet. Ringrejmë strukturat dhe bërthamat. Edi Rama ka hyrë në qelizë?, tha Harxhi.

Ndërkaq ajo thotë se nëse Basha si pranon zgjedhjet e 25 prillit të mos futet në Kuvend, por të dalë në protestë.

?Nëse si njohim zgjedhjet pse duhet të shkosh në parlament jam unë e para që dal në shesh. Ulem aty me një mënyrë hajde bëjmë rezistencë paqësore siç kanë bërë rumunët. Partia duhet ta mbledhë mendjen a do i njohë zgjedhjet e të hyjë në parlamnent apo do të dalë në protesta dhe të mos njohë zgjedhjet. Ose pranojmë dhe shkojmë në parlament dalim burrnisht e themi kemi humb. Ose dalim në protestë?, shtoi Harxhi./CNA.al