Foto-PD feston humbjen/ “Djegin” Tiranën duke kërcyer e kënduar

7 Maj 2021, 11:11, Politikë CNA

Partia Demokratike e feston humbjen duke ngrënë e duke pirë me këngë e valle. Janë 15 mandate më pak, 140 mijë vota më pak se PS, 240 mijë vota më pak e djathta se e majta dhe është fikst koha për të festuar dështimin.

Dega numër 2 PD në Tiranë, e cila drejtohet nga Mirlinda Çollaku, motra e deputetit të zgjedhur Kreshnik Çollaku, e ka ?djegur? një natë më parë duke festuar dhe më pas fotot i kanë shpërndarë në rrjetet sociale.

?Se ne jemi dega 2 dhe nuk dorëzohemi. Mirënjohje pafund për një fushatë fantastike ku ju dhatë shpirtin dhe forcën tuaj?, shkruan Çollaku në rrjetet sociale.

Në fotot që ajo ka publikuar shihen anëtarë të degës së dy të PD-së por edhe deputetë që sapo kanë fituar mandatin si Kreshnik Çollaku, shkruan CNA.al.

Kujtojmë se PD arriti të merrte 59 mandate në të gjithë Shqipërinë, duke mbetur sërish në opozitë dhe duke u justifikuar se ka pasur vjedhje votash

Por për anëtarët e PD në degën numër 2 në Tiranës, nuk ka pasur asnjë parregullsi dhe ata ndjehen të fituar, derisa kanë festuar më këngë e valle./CNA.al