E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ralf Gjoni nuk e braktisi kurrë Ilir Metën

7 Maj 2021, 10:26, Politikë CNA

Për ata që ndoqën debatin parlamentar gjatë seancës së sotme, kishte disa detaje interesante kur po shqyrtohej pika e rendit të ditës që i takonte shkarkimit të Ilir Metës.

Lajmi i parë ishte që Ralf Gjoni si hyri ashtu po del nga Kuvendi. Domthënë pa e lexuar as një herë të vetme rregulloren e Kuvendit. Rregullorja e Kuvendit e ka të listuar qartë mënyrën se si rradhiten diskutantët në një rast si i sotmi.

Pavarësisht se si janë numëruar kërkuesit kur kanë përcjellë pranë sekretarisë së seancës dëshirën për të diskutuar, gjatë zhvillimit të seancës fillohet nga deputëtët e pakicës së pakicës, pastaj në fund ata të shumicës. Ralfi kur nisi diskutimi i çështjes, nuk ndodhej në sallë dhe sipas rregullores, u konsiderua nga drejtuesja e seancës që kishte hequr dorë nga diskutimi.

Ka pak rëndësi se ku ndodhej fizikisht Ralfi në momentin kur ju lexua emri. Ai nuk ndodhej në sallë. Nuk është detyrë e spikerit të seancës të edukojë deputetët me rregulloren dhe as të dalë t?i kërkojë e t?i gjejë se ku ndodhen. Ralfi thjesht nuk ishte në sallë kur sipas rregullores ju akordua fjala.
Ralfi mungonte.

Por kur u kthye në sallë për të ndjekur një seancë që për të dukej më se e zakonshme, filloi të bërtiste që i kishin ngatrruar rradhën. E ndodhur e pa shpresë në lidhje me shanset që Ralfi të korrigjohet për të ardhmen, spikerja e seancës i koncesionoi Ralfit të drejtën e fjalës mbase e nxitur nga shenjat që jepte Ralfi sipas të cilave mbase në këtë fund mandati mund të thosh ndonjë llaf të mençur.

Por çfarë tha Ralfi?

Ralfi kërkoi që t’ja lerë Monikës vendimin për shkarkimin e Ilir Metës. Ralfi tha që Presidentin e shkarkon parlamenti tjeter sepse Ralfi nuk e ka tagrin moral dhe kushtetues për ta bëre këtë.
Ralfi nuk ndjehej aq i zoti sa te votonte (as pro, as kundër) shkarkimit të Presidentit Metaj.
Sepse njeriu është ai që ndihet dhe Ralfi nuk e ndjen veten legjitim për këtë.

Dhe deri këtu nuk e bejmë dot me faj Ralfin se ai aq e ka takatin, derisa e deklaron edhe vetë!
Por ndërsa Ralfi nuk e ndjente veten të aftë të votojë për çështjen “Metaj”,vijoi më tej!
Ralfi tha: “Ky parlament duhet të vendosë nëse duam një republikë parlamentare, apo duam një president të zgjedhur nga populli.”

Domethënë kur bëhet fjalë për fatin e Metës, Ralfi nuk është legjitim, por kur flitet për fate të Republikës, duhet pyetur Ralfi! Më derdimen se kaq, nuk mund të shfaqej Ralfi në ditën e vet të fundit si deputet i Ilir Metës.

Dhe e gjitha ndodhte në një seancë gjatë të cilës, Ralfi nuk u gjend në sallë kur ju akordua fjala sipas Rregullores./CNA.al