LEXO PA REKLAMA!

SHKARKO APP

Humbi bastionin e PD/ Dështimi i Grida Dumës në Kavajë

7 Maj 2021, 09:51, Politikë CNA
Humbi bastionin e PD/ Dështimi i Grida Dumës në Kavajë

Partia Demokratike humbi në këto zgjedhje edhe në Bashkinë e Kavajës, e cila historikisht është konsideruar si bastioni i saj.

PD ka marrë 10 115 vota në Bashkinë Kavajë, përkundër PS që mori 10 338 vota.

Pra, me një diferencë prej 223 votash, PD ka shënuar humbje në bastionin e saj.

Edhe Bashkia e Kavajës, ashtu si ajo e Rrogozhinës, kishin si drejtuese politike, Grida Dumën, e cila nuk arritur të shënonte fitoren e PD, në asnjërën prej këtyre bashkive.

Duma gjatë fushatës elektorale, sfidoi hapur kryebashkiakun e Tiranës Erion Veliaj.

Në një deklaratë të mëhershme, ajo u shpreh se nëse Partia Socialiste do të merrte 7% të votave në Kavajë dhe Rrogozhinë, me fjalën e burrit do të linte mandatin e deputetes.

Por PS ka fituar me një diferencë prej 223 votash,ndërsa PD nuk arriti ta rikthente bastionin e saj.

Kudo që shkon Grida duket se mbjell humbje. Ajo humbi  turpshëm Bashkinë e Kavajës që PD e kishte fituar në 2015 dhe në vitin 2017.

Një ditë pas zgjedhjeve të 25 Prillit, Duma deklaronte  se në Kavajë kishte fituar PD dhe ndryshimi.

Ndërsa tashmë del dhe gënjen demokratët duke u justifikuar me votat e pavlefshme, por që nëse vendoset të rinumërohen do të jenë në disfavor të Partisë Demokratike./CNA.al

 

Lajmet e fundit nga