web counter
LEXO PA REKLAMA!

SHKARKO APP

App Store
Google Play

“10 mijë lekë në muaj për të rinjtë për të dërguar fëmijët në çerdhe”/ Deklarata e fortë e Ahmetaj

18 Prill 2021, 10:54, Politikë CNA

Ministri i Rindërtimit Arben Ahmetaj ka zhvilluar ditën e sotme një takim me banorët e njësisë numër 4 në qytet nga ku deklaroi se qeveria do të japë 10 mijë lekë në muaj për çiftet e reja për dërguar fëmijët në çerdhe private. Ahmetaj akuzoi Partinë Demokratike se nuk iu kanë dhënë lekët as invalidëve.

?Më thoni në çfarë vendi të botës ka ndodhur, që në shpatullat e një qeverie dhe të një kryeministri të bien dy fatkeqësi të mëdha si tërmeti dhe pandemia. A do të donit qeveri që ka bërë 21 janarin, që nuk iu dha bukën e gojës invalidëve. Ne iu dhamë shtëpi falas dhe ne merremi me politikë që të ndihmojmë njerëzit e prandaj duhet të votojmë Edi Ramën, PS-në, numrin 12?, u shpreh Ahmetaj.

Gjithashtu nga kryeqyteti Ahmetaj theksoi se qeveria ka bërë të mundur librat falas, ka bërë të mundur bonusin e bebes ku shtoi dhe premtinim e fundit prej një shume për çiftet e reja për të çuar fëmijët në çerdhe.

?Ne jemi qeveri shumë e përgjegjshme që mendojmë për qytetarin. Ata bënë 1997, kur këtu ishte si ata filmat horror, me zjarr e me të vdekur. Ne bëmë të mundur që librat nga klasa e parë në të nëntë të jenë falas. Bonusi i bebes u bë realitet nga ne. Ne do të japim 10 mijë lekë në muaj çifteve të reja për të çuar fëmijët në çerdhe private. Ky quhet bonusi i çerdhes. Kjo sepse ne mendojmë për qytetarët e këtij vendi. Taksa progresive është e drejtë dhe taksa e sheshtë është shkatërruese për qytetarët?, shtoi Ahmetaj./ CNA.al





Lajmet e fundit nga