E fundit!

10:43 Ekonomi

Blegtoria, në krizë/ Zbrazen fermat, tkurret prodhimi vendas

Të dhënat më të fundit të Institutit të Statistikave për v...

Bujar Çela zbulon shifrën/ Ja sa e paguan LSI blerjen e votës

14 Prill 2021, 18:09, Politikë CNA

Kandidati për deputet i PS në qarkun e Fierit, Bujar Çela, në një prononcim për CNA.al, ka folur për fenomenin e shit-blerjes së votës.

Për blerjen e votave, Çela drejtoi gishtin nga LSI, ndërsa e quajti partinë e drejtuar nga Monika Kryemadhi dhe të themeluar nga presidenti Ilir Meta, si llumin e politikës shqiptare.

Sipas tij, LSI paguan 500 euro për marrjen e kartave të identitetit, ndërsa për mitingje e gjëra të tjera 200 mijë lekë.

?Përsëri vazhdon ajo historia e vjetër po e asaj që e prodhoi dhe e sajoi fenomenin e shit-blerjes së votës, ajo motra e të dyve e cila është një produkt i të dy palëve dhe të bashkohen në një forcë që e quajnë gjasme për integrim, por në fakt është forca më llum i politikës shqiptare. Ata janë ata që qarkullojnë me 500 euro me marrje kartash, me 200 mijë lekë për mitingje e të tjera.

Edhe sot ishte një takim i LSI, një forcë gjigante e flamujve por që pa njerës, vetëm me mercenarë. Ata janë parti e lekëve të pafund të Ilir Floririt të cilat janë një materian i gjallë i SPAK për të çuar atë në drejtimin e duhur?, u shpreh ai për CNA.al.

Gjithashtu, socialisti ka dhënë edhe një mesazh për qytetarët, të cilëve i kërkoi të mos bëjnë më eksperimente që rëndojnë në kurriz të tyre.

?Unë qytetarët i kam aleatin e vetëm, nuk jam nga ata që përdor shumë median, flamurin dhe podiumet. Jam si qytetarët, qaj hallet me ta, jetojmë bashkarisht. Kur u mungon atyre uji, energjia, rruga më mungon edhe mua. Së bashku kemi arritur që të kombinojmë mirë, bashkëjetojmë bashkë dhe jemi një derë e hapur për të dy palët, ata për mua dhe unë për ata.

I bëj thirrje që në 25 prill ata do të votojnë për punët e bëra, për projektet e nisura edhe për të realizuar dëshirat e tyre për ta bërë Shqipërinë në të vërtetë ashtu sikurse kemi 30 vjet jo brohorasim, por ulërijmë duke thënë se e duam Shqipërinë si gjithë Europa, por jo në kushtet që duhet të hyjmë në Europë. Qytetarët duhet të na mirëkuptojnë, jo të na falin, të na vlerësojnë drejt, duke mos i krijuar Shqipërisë më eksperimente se boll kemi bërë eksperimente në kurrizin e tyre. Ne fitoren e kemi, vetëm se duam ta thellojmë atë?, theksoi Çela./ CNA.al